السيسى فى الكلية الحربية: "احنا دولة قانون.. واللى يغلط يتحاسب حتى لو رئيس الجمهورية"

دعا الرئيس عبد الفتاح السيسى، الشعب المصرى إلى الانتباه والحذر من محاولات الوقيعة بين المصريين، ردًّا على الأحداث التى شهدتها محافظة المنيا مؤخّرًا وتعامل البعض معها، مضيفًا - فى كلمة له خلال حفل تخريج دفعة جديدة من طلبة الكليات والمعاهد العسكرية - "أنا بتكلم عن الوحدة الوطنية، واتكلمنا أثناء فطار الأسرة المصرية عن أهمية إن إحنا كمصريين ننتبه قوى لكل المحاولات التى تبذل للوقيعة بين المصريين".

وتابع الرئيس كلمته قائلاً: "خلّوا بالكم، إحنا كلنا شركاء فى مصر، مفيش حد زيادة عن الحد التانى، مش بس ننطق بيه، لكننا كمان عاوزين نمارسه فى تصرفاتنا وردود أفعالنا مع بعضنا البعض، إحنا 90 مليون، ولو كل يوم هنشوف حادثة ونتفاعل معاها من غير موضوعية، هذا لن يكون فى مصلحة الوطن".

واستطرد الرئيس: "النقطة دى فى منتهى الأهمية، إحنا كلنا شركاء فى الوطن، ولا يليق بنا أن نقول ده مصرى مسلم وده مصرى مسيحى، ده مصرى له ما لنا وعليه ما علينا، إحنا مش هنقدر نوصل للنقطة دى وتبقى ثقافة وعادات وتقاليد فى سلوكياتنا، أرجو إن كلنا ننتبه لده، وأنا بقول كلنا، مؤسسات الدولة وشعب مصر، الضمانة الحقيقة لمصر أن نكون كلنا على قلب رجل واحد، فى مواجهة التحديات التى تقابلنا، وهذه النقطة فى منتهى الأهمية، وموضوع لازم نبقى واخدين بالنا فى كل تصرفاتنا وردود أفعالنا، وفى النهاية هناك دولة اسمها دولة القانون، اللى يغلط يتحاسب، مش معقول إن حد يبقى متشكك إن الكلام ده لا يُنفَّذ، اللى يغلط يتحاسب بالقانون من أول رئيس الجمهورية، لما أغلط اتحاسب، لغاية أى مواطن".