هالة أبوالسعد:"مرتضى منصور يرتكب مهازل تحت القبة ومش عايزين نضيع وقتنا فى أمور شخصية"

شنت النائبة هالة أبو السعد، عضو مجلس النواب، هجومًا حادًا على مرتضى منصور، عضو مجلس النواب، وقالت إنه "يفعل المهازل تحت القبة".

وقالت هالة أبو السعد فى مُداخلة هاتفية لبرنامج "حضرة المواطن"، مخاطبة مرتضى منصور: "مينفعش نضيع وقت البرلمان فى حسابات شخصية، مش عايزين ناخد وقت الـ90 مليون فى أمور شخصية".

وأضافت: "إحنا جايين نشيل هموم المصريين، ومحتاجين مصر تقف على رجلها اللي بيعمله مرتضى منصور تحت القبة مهزلة"، متابعة: "محتاجين نبص لمصالح المواطنين، لازم نحس بالناس، أنا مش بتكلم على شخص بعينه ولا بقول فلان ضد فلان، ما يهمنى 90 مليون بنى آدم، مش هنضيع مصالح المواطنين عشان مصالح شخصية".

وتابعت: "حتى لو كان الموضوع الذى أثاره مرتضى منصور يمس كرامة المصريين، هناك أولويات محتاجين نشعر باحتياجات المواطنين منقعدش نتخانق فى البرلمان".

وكانت قد وقعت مشادة بين النائب مرتضى منصور والنائبة هالة أبو السعد، خلال الجلسة العامة للبرلمان اليوم، على خلفية جمع مرتضى منصور توقيعات لإيقاف برنامج الإعلامى عمرو أديب، حيث قالت النائب لمرتضى منصور: "الناس بتموت وأنت شاغل المجلس بمشكلة شخصية".