بالفيديو.. إيهاب غطاطى: "أنا نائب فى البرلمان وبرمى الزبالة فى الشارع زى المصريين"

قال النائب إيهاب غطاطى عضو مجلس النواب، إنه لا يوجد خطة إسترتيجية فعالة لرفع القمامة من شوارع وميادين مصر، بالإضافة إلى عدم وجود صناديق قمامة كما كان فى السابق، مستنكرا رفع القمامة من خلال "لوادر" الحى بعدما تتجمع الأكوام منها، مشددا على أنه حتى الآن لا يوجد حلول فعلية من قبل المسؤولين.



وتابع النائب :" أنا مواطن مصرى مش جاى من كوكب تانى كل ما تيجينى فاتورة الكهرباء بلاقى 9 جنيهات رسوم نضافة.. فين النضافة اللى بتحصل عند بيتى أنا كنائب ..أنا بحط كيس الزبالة فى عربيتى واقعد الف علشان أدور على أقرب صفيحة زبالة أو صندوق مفيش.. فبلاقى نقطة تجميع فبروح رامى فيها زى أى مواطن مصرى.. أنا نائب أهو بقول الكلام ده".

وطالب "غطاطى" خلال مداخلة هاتفية بفضائية "النهار اليوم"، المحافظين بعقد لقاء مع أعضاء مجلس النواب لعرض خطة إستراتيجية "محترمة" حسب قوله لحل مشكلة القمامة، وتابع:" الحملة اللى انا بشنها أنه لوسمحتم يا سادة يا مسؤولين يا محافظظين يا تقعدوا معنا وتدونا خطة استرتيجية محترمة نقتنع بيها أنها هتجل مشكلة القمامة يا أما شيلو الـ9 جنيه والأعباءاللى انتو حطنها على المواطن على الفاضى".