كتبت رشا إمام
يستعد العالم العربى الإسلامى لاستقبال عيد الأضحى المبارك وتختلف طقوس الاحتفال من بلد عن أخر، وقد تتميز مصر وشعبها البسيط باحتفالات خاصة تضيف البهجة والسرور على الأعياد، وفى هذا الإطار قال النائب إلهامى عجينة، إن طقوس الاحتفال بعيد الأضحى المبارك اختلفت كثيرا عن زمان، ولكن مازلنا نحتفظ بفرحة اللمة والصحبة الحلو والضحكة الصافية".
وتابع عجينة فى تصريحات لـ"برلمانى"، قائلا "أهم حاجة عندنا فى الدقهلية هى أكلة القلقاس، القلقاس بالصلصة زمان كان أكلة من أكل الملوك والبشاوات، وكان زمان لازم الناس فى أول يوم العيد تفطر عليه، لكن دلوقتى وبعد ما تزوجت بقيت تحت أمر الحكومة، المدام يعنى، فهى بتأكلنى فتة ولحمة أول يوم فى العيد".
واستطر عجينة قائلا، "يوم الوقفة نفضل سهرانين لحد صلاة العيد، ونتجمع كلنا أنا وأهل دائرتى فى المقر عندى، لتبادل التهانى، وتوزيع أكياس اللحمة على كل أهل البلد".
وأكد، عجينة، أن المشكلة الحقيقة فى الأعياد، هو أن المصريين مش بيعروفوا يفرحوا زى الغرب، متابعا، "أنا سفرت كثيرا، والعرب بيخافوا يفرحوا أو يعيدوا زى باقى البشر، حتى لما يتضكوا كتير بيقولوا أعوذ بالله، خير يارب، مضيفا، أن المصريين دائما عندهم كثرة الشكوى فى الأعياد والأفراح، ومتسائلا، "مش عارف ليه بيفتكروا أحزنهم وينسوا فرحهم" على حد تعبيره.
