بالفيديو.. أهالى منشية مبارك يستغيثون: "النائب عصام سعد مبيسألش فينا"

قرية "أبوخليفة" مركز القنطرة غرب، يبلغ عدد سكانها حوالى 50 ألف نسمة وتقع شمال الإسماعيلية بمحاذاة المجرى الملاحى لقناة السويس، وتتمتع بموقع استراتيجى ومتميز بالقنطرة غرب،ورغم مدى الأهمية التاريخية والجغرافية لتلك المنطقة، فإن أزمات البنية التحتية، ومشكلات الطرق باتت تهددها.

موقع "برلمانى" توجه إلى قرية"اأو خليفة" لرصد مدى احتياجات المواطنين هناك وأهم مشاكلهم ورسائلهم إلى نوابهم داخل مجلس النواب، التقينا بـ"أيمن عطيطوا" من منشية مبارك قرية أبو خليفة الذى وجه رسالة إلى النائب البرلمانى "عصام سعد" عن دائرة أبو خليفة محافظة الإسماعيلية قال فيها: "انتخبناك عشان التعليم والصحة والزراعة، وانت تعلم جيدًا لأنك رجل تربوى تعمل فى وزارة التربية والتعليم إن عندنا مدرستين مقفولين، ومفيش وحدة صحية داخل منشية مبارك ولما بنروح أقرب وحدة مابنلاقيش فيها دكتور، والطرق مكسرة ومش عارفين نسوق زراعتنا، وهو عارف كده كويس، للأسف انتخبناهم عشان يحلوا مشاكلنا لكن محدش بيسأل فينا".



وقال إبراهيم خليل من أهالى القرية: "إنه طلب من النائب عصام سعد أكثر من مرة إنه ييجى عندنا القرية ويشوف مشاكلنا عشان الناس تشوفه وتعرفه ولكن لا حياة لمن تنادى ومجاش ولا زارنا ولا مرة، ومشاكلنا هنا كلها ناقصة من كهربا ومواصلات ووحدة صحية ومدارس مفيش عندنا حاجة".

وقال محمد عبد العزيز من أهالى القرية: "إحنا بنعانى من مشكلة والنائب بتاعنا اللى أعدنا معاه ووعدنا بحاجات كتيرة خالص ماشفنهاش ووعدنا إنه يقعد معانا فى لقاء جماهيرى محصلش، وأدى طلبه ماشين أكثر من 5 كيلو راجعين من المدرسة وطالبنا النائب عصام بحل المشكلة ومحصلش حاجة".

فما قال الطفل اشرف محمد من أهالى القرية: "إنه يستيقظ من نومه فى الخامسة صباحًا كى يسير على قدميه 5 كيلو مترات يوميًا للذهاب إلى مدرسته،كما طالب النائب عصام سعد بحل هذه المشكلة".