بالصور.. شكوى من سرقة متعلقات طلاب أسنان جامعة المنصورة

أرسل أحد القراء شكوى من تعرض «اللوكرات»  الخاصة بالطلاب للسرقة بعد كسر الأقفال بكلية طب أسنان جامعة المنصورة، معربا عن استياءه من سرقتها فى أوقات أجازة الجامعة.

وأضاف عبر رسالته لخدمة صحافة المواطن، «ده مكان فى كلية طب أسنان جامعة المنصورة اسمه "اللوكرات" وده مكان فى البدروم الكلية بتأجره للطلبة علشان نخزن فيه أدواتنا اللي هيا غالية جدا ،يوم السبت اتفاجئنا أن عدد كبير جدا منها مكسور ومسروق منها حاجات متقلش قيمتها عن 200000جنيه بدون مبالغة ،علما بأن الخميس والجمعة إجازة والأربع ماكنش حصل حاجة».

وتابع القارئ «لما روحنا لإدارة الكلية علشان نشتكي هددونا بأن كل كلمة احنا بنقولها هنتحاسب عليها وأن إحنا نعملكو إيه يعني واستعوضو ربنا فى اللي اتسرق ومش عايزين يتعاونو خالص».