بالفيديو.. "برلمانى" يرصد بائعة فاكهة تطالب النواب بعلاجها من هشاشة العظام والغضروف

فى إطار ما يقوم به "برلمانى" من رصد مشاكل المواطنين وتوصيلها لأعضاء مجلس النواب الذين قاموا بانتخابهم لتمثيلهم فى البرلمان، رصدت كاميرا "برلمانى" مشكلة أم عبده التى تستغيث بنواب إمبابة بضرورة علاجها بعد أن نهش المرض جسدها، وعدم قدرتها على توفير علاجها وقيام البلدية بمهاجمتها أثناء بيعها للفاكهة فى إحدى شوارع إمبابة وتحطيم مصدر رزقها.

وقالت أم عبده، البالغ عمرها 55 عامًا "أنا عايزة حد من المسئولين، يحل لى مشكلة علاجى، مش معايا فلوس أجيب علاج، بتعلاج من الغضروف وعندى هشاشة فى العظام، ورجلى فيها دوالى وعملت إشاعات كتير، وفى ظهرى فقرات مفصولة، وكنت بصرف على علاجى لما كنت بشتغل أبيع موز وفاكهة فى إمبابة وبعدها البلدية جريت ورايا، وبطلت شغل ومن سعتها مبتعالجش، ولا بروح مستشفيات وعندى بنتى مطلقة، ومعاها 4 أطفال وخرجتهم من المدارس، عشان مش معانا فلوس نصرف عليهم ولا معانا فلوس ياخدو دروس".

وتابعت أم عبده، قائلة: "نعمل إيه عايزين واحد من المسئولين اللى روحنا انتخبناهم كذا مرة ومحدش بيعملنا حاجة، كأن البلد دى مش بلدنا ومفيش حد بيسأل فى الغلبان، ولا بيدور عليه، والغلبان هيفضل طول عمرة غلبان".
فيما قالت الطفلة جومانا نجلة ابنة "أم عبده" أنا فى مدرسة بس سبتها، عشان الولاد بيتخانقو مع بعض، والمدير بيجى ومبيتكلمش ولا بيعملهم حاجة،كأن مفيش مدير".

وهو نفس الحال بالنسبة للطفل عمر نجل ابنة "أم عبده" فيما قال، أنا سبت المدرسة عشان مبدفعش فلوس مجموعات التقوية والمدرسين برجعونى آخر الفصل ومحدش بيشرحلى حاجة ولما بروح على الامتحانات بيدونى ورقة الامتحان بفلوس عشان مبدفعش فى مجموعات التقوية".