كتبت إسراء الشرباصى
نشرت صفحة "تسريبات امتحانات الثانوية العامة" صورة من امتحان لمادة التربية الوطنية تزعم أنه امتحان الثانوية العامة المفترض أداءه اليوم، كما نشرت تدوينة مكتوب فيها "البوست ده للناس اللى كانت مش مصدقة أننا كنا بنبيع امتحان الإنجليزى قبلها بيومين وبنموذج الإجابة كمان .. أحب أقولكوا إن فى طلبه مذكرتش حاجة من أول السنة وخدت نموذج الإجابة وقفلت المادة وناس بتدح من أول السنة ومعرفتش تأفل وهو ده العدل فى نظرنا إحنا.. من حق الطالب الغلبان أنه يفرح أبوه وأمه وعيلته ويدخل كلية".
وأضافت الصفحة فى تدوينتها "لازم الناس تقفل المواد كلها عشان نلغى فكرة التنسيق والنهاردة تم بعث الفكرة وسيتم طرحها قريبًا جدًا وهى منح امتحان القدرات للكليات وإلغاء التنسيق".
كما حذرت الصفحة من امتحان الإحصاء المقرر أدائه اليوم لطلاب الثانوية العامة، قائلة "الناس تخلى بالها بكرة من امتحان الإحصاء عشان هو معايا وجاى مش سهل".
