"الغلابة عندهم ثلاجة بس بيحطوا فيها جرجير مش لحمة".. نائب يوجه رسالة لوزير الكهرباء

قال لطفى شحاته عضو مجلس النواب عن محافظة الشرقية، إن محمد شاكر وزير الكهرباء، عليه مراجعة تصريحاته الأخيرة داخل لجنة الطاقة عن أن "اللى معندوش تلاجة مش هيعدى الـ50 كيلو وات ويستحق الدعم" لأنها غير واقعية.
وتابع عضو مجلس النواب عن محافظة الشرقية فى تصريحات لـ برلمانى، "أى حد دلوقتى يا معالى الوزير عنده ثلاجة حتى لو كان فقير هايحط شوية جرجير وحتة جبنة ولقمة عيش، مش لازم يكون عنده أكل كتير ولحوم من بتاع الأغنياء"

وكان المهندس محمد شاكر وزير الكهرباء قال، إن ارتفاع أسعار الكهرباء لن تمس محدودى الدخل، حيث إن مقدار الزيادة فى شريحة الـ50 كليو وات ستكون 180 قرشا، وتدفع الدولة دعما للشرائح 28 مليار جنيه.
وتابع "شاكر"، خلال اجتماع لجنة الطاقة والبيئة بمجلس النواب، أن الزيادة تقوم على أساس أنه كلما زاد الاستهلاك قل الدعم.

وأضاف "شاكر" فى تعليقه على إحدى النائبات التى تحدثت عن فلسفة تقسيم الشرائح، "اللى معندوش تلاجة مش هيعدى الـ50 كيلو وات".