مرتضى منصور لـ"الحجاج": اتقوا الله ولا تعودوا للمحرمات.. وعمرى ما شربت خمرة ولا زنيت

وجه النائب مرتضى منصور، رئيس نادى الزمالك، رسالة لكافة حجاج بيت الله الحرام نصحهم خلالها بتقوى الله والبعد عن الأفعال المحرمة التى تغضب المولى - عز وجل - كون الحج يطهر الإنسان من الذنوب ويعود من الأراضى المقدسة كيوم ولدته أمه، وتابع: " طيب الناس اللى بترجع من الحج وبترتشى وبتسرق أو بتشرب خمرة أنت فاكرها رحلة فى لندن لا هى مش كدا هى ركن من أركان الإسلام وربنا بيدك ميزة وهدية أنك بترجع كأنك بتتولد من جديد يعنى كافة الأخطاء بتتمحى".



وأضاف "منصور" خلال اتصال هاتفى من المملكة العربية السعودية، لبرنامج "الكورة مع الحياة" المذاع عبر فضائية "الحياة"، أنه لم يشرب خمورا مدى حياته مطلقاً ولم يزن أيضاً، وتابع: " تانى مرة بقول للحجاج أنتم مش بتروح تزوروا لندن.. طبعاً أنا عمرى ما شربت الخمر أو زنيت، لكن أحياناً بكون عصبى، وسأتخلى عن تلك العصبية، واللى هيغلط فيا هقول له ربنا يسامحك لأنى مش هبوظ الحجة علشان واحد سفيه".