الرئيس السيسى للشباب بمؤتمر شرم الشيخ: "كل ما تعرفوا أكتر هتخافوا على البلد"

أكد الرئيس عبد الفتاح السيسى، حرصه على نجاح التجربة المصرية منذ 25 يناير حتى اليوم، وأن تأخذ المدى الزمنى المناسب، مضيفًا: "لكن عندنا إشكالية الوقت.. الشباب عاوز يشوف تنظيم سياسى قوى وحجم الحريات وإجراءات إحكام والحفاظ على الأمن القومى الآن.. انت عاوز كل ده دلوقتى.. إحنا رايحين له بس مش دلوقتى ".

وأشار الرئيس السيسى، خلال لقائه مجموعة من الشباب على هامش المؤتمر الوطنى الأول للشباب بشرم الشيخ، إلى أنه رفض منذ عامين طرح بتأسيس حزب سياسى، موضحًا: "قلت بلاش نعمل كده وفى الوقت نفسه لم يعيق أحد عمل تنظيم سياسى بأى شكل من الأشكال، ولم أعق عمل أى تنظيم سياسى ودعمت الفكرة"، مستطردا: "كل ما تعرفوا أكتر كل ما هتخافوا على البلد أكتر.. وهذا ردى على الناس اللى حاسة أن مفيش حرية كافية.. كل ما تعرفوا أكتر هتخافوا على البلد أكتر.. عاوزين منى إيه.. أعمل إيه دلوقتى؟

وتابع: "لو الأمر بحاجة لحوار مجتمعى فى النقطة دى أنا مستعد أعمله.. أستمع لكل التصورات والأطروحات ونناقشها".