مرتضى يحكى شهادته على واقعة ابنة هشام سليم..ويؤكد أن القضاة مش بيسكروا زى بنتك

قال مرتضى منصور عضو مجلس النواب، تعليقا على اعتداء ابنة الفنان هشام سليم على ياسمين عبد العزيز، إنه كان شاهد عيان على هذه الواقعة، مهاجما الفنان هشام سليم.

وأوضح منصور، فى لقاء تليفزيونى ببرنامج "انفراد" الذى يقدمه البرلمانى سعيد حساسين عبر فضائية "العاصمة"، قائلا: "بنتك كانت سكرانة يا هشام.. بنتك ضربت ياسمين عبد العزيز علقت موت قدام بنتها وابنها اللى عندها 16 و 17 سنة.. وراحوا المحكمة ومحدش اعتقل بنتك، ورفضت أروح أترافع احتراما لولدتك زينب هانم".

وأضاف منصور: "رفضت أشهد فى المحكمة لأنى شوفت بعينى الواقعة وبنتك بتضرب الست فى عينها ومناخيرها وخلصت عليها.. وبعدين حضرتك بتشتم القضاء ليه؟ .. المحامى بتاعك راح وترافع وبنتك خدت العقوبة 3 شهور مع النفاذ.. والشرطة متواطأة عشان مانفذتش الحكم".

وتابع :"القاضى مش مرتشى يا هشام.. معنديش قاضى بيسكر يا هشام.. معنديش قاضى سايب بناته ولمؤاخذة يا هشام.. فلما تيجى تتكلم عن القضاء اتكلم بأدب واحترام".