بالفيديو.. اتحاد المصريين بأوروبا: "مصريو الخليج بيبعتوا فلوس واحنا بنبعت عقول"

قال الدكتور عصام عبد الصمد، رئيس اتحاد المصريين فى أوروبا، "إن هناك فرقًا بين المصريين الموجودين فى الخليج لأنهم أغنى شوية، والمصرى الموجود فى أوروبا، هما بيحولوا فلوس أكتر مننا لكن فى عندنا حاجات تانيه نحولها لمصر إحنا بنحول خبرات، تكنولوجى، عقول، اللى احنا نتمنى أن الدولة برضو تاخد بالها من الكلام ده لأن الموضوع كله مش فلوس، ده ممكن، يعنى متفتكريش ان عندك مجدى يعقوب واحد ومش عارف مين، انتى عندك عشرات بل مئات مجدى يعقوب".

وأضاف رئيس اتحاد المصريين فى أوروبا، خلال لقاء ببرنامج "مساء القاهرة" على قناة Ten الفضائية، أن "الجيل الثانى للمصريين فى الخارج بروفسيرات فى الجامعة ولدينا قوة ضاربة مصرية فى الخارج لا تخطر على البال وأى واحد فيهم ممكن ينقل مصر للأمام 10 سنوات فركزوا عليهم وهم من سيأتون لكم بالدولارات".

وردًا على سؤال "احنا فين من الشباب دول هما مش عايزين يجيوا مصر"؟"، أجاب ولاء مرسى المتحدث باسم اتحاد المصريين فى أوروبا، ضاحكًا، قائلا: "الموضوع كبير، وزى ما تقولى بتيجيى على الجرح".

وأوضح المتحدث باسم اتحاد المصريين فى أوروبا، أن الحكومة لا تعرف التحدث بلغة الآخرين، أن أولادنا الذين عاشوا بالخارج لهم ثقافة أخرى، ويحتاج المسئول داخل مصر أن يعرف لغتهم للتعامل معهم، وعلى سبيل المثال نبيلة مكرم وزيرة الهجرة، وقد خسرت الجيل الثانى والثالث والرابع من المصريين فى الخارج، بالإضافة إلى أولادنا يحتاجون لزرع الانتماء بهم "لازم أوريهم مصر دى بشكل معين واللى يفهم الكلام ده القائمين..". فقاطعته الإعلامية إنجى أنور متسائلة: "يعنى إيه أوريهم مصر بشكل معين؟".

ففسر ولاء مرسى، قائلا: "أنا لما ابنى أجيبه مصر هنا واقوله تعالى اقعد مع الشاب اللى فى مصر هنا، يبقى انا اكون محضر له برنامج يقدر يتواصل بينه وبين الجيل اللى داخل مصر هنا عشان يقدر الجيل اللى عندى يستفاد من الجيل ده ، ده مهم جدا، ده دور وزارة الشباب مع وزارة الثقافة مع وزارة الإعلام مع وزارة السياحة مع وزارة الهجرة اللى هى الاساس، عشان كده لما طالبنا بوزارة هجرة من الرئيس عبد الفتاح السيسى فى ألمانيا، كان موجود الدكتور عصام وكان هناك فى هذا اللقاء، كان لهذه الوزارة دور معين يجب التركيز عليه ليس هو رعاية، المصريين المتواجدين داخل الدول الغربية لا يحتاجون إلى رعاية".

واستطرد: "احنا عندنا معظم رؤوس الأموال الموجودة فى الخارج مع المصريين المهاجرين بصفة دائمة اللى هى فى أوروبا والولايات المتحدة وأمريكا وكندا، أكبر رؤوس الأموال، أما الدول الجاذبة للعمالة زى الدول العربية فى الخليج فدى دول عماةل مؤقتة بيقعد سنة اتنين تلاته وينزل مصر، دول محتاجين رعاية، احدف الرعاية بتاعتهم على وزارة القوى العاملة هى دى شغلها مع القنصليات والخاجرية اما وزارة الهجرة عايزنها تركز فى البهايز احنا عندنا بهاريز مع رجال أعمال متواجدة فى الخارج تبلغ من 120 إلى 140 مليار دولار، وإزاى اشتغل كوزارة على هؤلاء؟".