حضارة مصر.. والإبريق مصر أم الدنيا، وعندها تلت آثار العالم، وشاركت بـ«إبريق نحاس» و5 «صوانى» فى معرض الحرف التراثية فى الصين، وسط 100 دولة بتعرض تراثها، والنتيجة أن الزوار محدش فيهم عبّر الجناح المصرى.. وفى الآخر يسألوك: هو مفيش سياحة ليه؟.. ابقى تعالى وأنا أقولك ليه.
وزارة الترامادول.. التعليم سابقاً
تخيل نفسك مكان طلبة تانية ثانوى فى الغردقة، وهم قاعدين بيمتحنوا الكيميا.. والمراقبين بيوزعوا الإجابة مع ورقة الأسئلة، وزارة التربية والتعليم لغت الامتحان، ومازال الوزير فى مكتبه يصرف مرتبه ومكافآته بانتظام شديد، ومش مهم لا التربية، ولا التعليم، المهم الترامادول.
السيسى قال إن أسعار السلع الأساسية لن ترتفع رغم ارتفاع الدولار والأزمة الاقتصادية، ونواب البرلمان يهاجمون الحكومة لارتفاع أسعار «الأكل» قبل رمضان، والمواطن الغلبان يتفرج ويشترى الأرز بـ10 جنيهات للكيلو، فلماذا لا ينفذ رئيس الوزراء تعليمات الرئيس؟!
