كتب إبراهيم سالم
أعلنت صفحة "شاومينج بيغشش ثانوية عامة"، قدرتها على التسلل إلى كنترول الثانوية العامة، والعمل على تعديل درجات الطلاب والتحكم بها، لافتًا إلى أنه لن يقوم بهذا إلا من خلال الموافقة الجماعية من الطلاب على هذا، حيث طرح استفتاء خلال "فيس بوك"، مؤكدًا أنه سيتم طرح بيان هام مساء اليوم بعد الانتهاء من التصويت بخصوص هذا الأمر.
وجاء التدوينة على النحو التالى: "شاومينج يقدر يغير فى النتايج من الكنترول ويقدر يرفع درجات أى طالب، علشان اللى بيقول إنى مقدرش أعمل حاجه ده أحب أقوله اللى قدر يسرب الامتحانات من قلب الوزارة قبل الامتحان بـ7 ساعات يقدر يغير أى نتيجة ويتحكم فيها من الكنترول ويعمل اللى محدش يتوقعه،بس طبعا أنا مينفعش أعمل حاجه زى دى إلا بموافقة جميع الطلبة واخذ آرائهم جميعا، عشان كده أنا عامل استفتاء ليكم فى البوست ده وتقولوا رأيكم فى الكلام ده وهيكون فى بيان هام بالليل بخصوص الموضوع ده بعد معرفه آراء الجميع، ياريت كل واحد شاف البوست يعمل شير ويمنشن لأكبر عدد من أصحابه علشان نعرف رأى الكل وناخد برأى الكل".
