إمبابة فى قبضة الزبالة.. ومواطنون: الناموس تاعبنا والنظام القديم هو الحل (فيديو)

تعانى منطقة إمبابة بمحافظة الجيزة من تراكم القمامة بمختلف شوارعها وأمام العقارات السكنية والأسواق الغذائية، الأمر الذى تسبب فى أضرار صحية عديدة لسكان المنطقة، وفى هذا الإطار رصدت كاميرا "برلمانى" شكوى سكان المنطقة، الذين أجمعوا على أن تراكم القمامة يسبب لهم ضررًا صحيًّا.



فى البداية قالت "أم عبده"، وهى سيدة تقطن بالمنطقة منذ سنوات: "فيه عمال نظافة بيشيلوا الزبالة، لكن الناس بتيجى ترميها تانى، وده بيسبب لنا ريحة وحشة وناموس وأمراض، ويا ريت الحى هنا يوفر لنا براميل فى كل حتة عشان الزبالة ما تتراكمش فى حتة واحدة".

فى السياق ذاته، قال عبد الرءوف، أحد سكان المنطقة: "مشكلة الزبالة دى بقالها سنين، وظهرت بسبب منع زبالين بتوع عربيات الكارو إنهم يكونوا موجودين فى المنطقة، فالزبالة كترت وسكان وأصحاب محلات أصبحوا يرموا فى الشارع".
وأضاف المواطن فى حديثه لـ"برلمانى": "قليل لما يكون فيه عمال نظافة يجمعوا الزبالة من الشقق، ولو حد طلع بيطلب فلوس، والحل إنه يرجع نظام الزبالين القدام اللى كانوا بيلموا الزبالة على عربيات كارو، ويبقى فيه مقلب للزبالة فى كل منطقة".