خالد صلاح لـ"الشريف": لا ينبغى أن نصنع أبطالا من ورق أو يشيد الإعلام بك وحدك (فيديو)

أكد الكاتب الصحفى خالد صلاح، رئيس مجلس إدارة ورئيس تحرير اليوم السابع، احترامه للجنة تقصى الحقائق البرلمانية حول الفساد فى منظومة توريد القمح، وجهودها فى ملف "فساد صوامع القمح".



ووجه خالد صلاح - عبر حلقة اليوم من برنامجه "على هوى مصر"، الذى يذاع على فضائية النهار one - رسالة إلى النائب مدحت الشريف، عضو لجنة تقصى الحقائق، قال فيها: "يا سيادة النائب، لا ينبغى أن نصنع أبطالاً من ورق أو أبطالاً مزيفين، أو إن اللى هيطلع على الكاميرا يبقى هو اللى فى الوش، وأعضاء اللجنة كلهم موقرين ومحترمين وقايمين بدور بطولى، مش مدحت الشريف لوحده".

وأضاف خالد صلاح: "الإعلام كله يشيد باللجنة، مش هينفع يشيد بيك إنت لوحدك، يعنى مش إنت لوحدك بطل الموضوع ده، الموضوع بادئ من الدولة برضه، ولجنة تقصى حقائق القمح كل أعضائها محترمين، واللجنة قايمة بدورها على أكمل وجه، ليه بقا مدحت الشريف يجرى وراء الجورنال ده ولّا القناة دى؟ واللى محدش يجيبه يزعل ويغضب ويتخانق، دى حاجه بقت صعبة، ما تشخصنوش الحاجات"، مشيرًا إلى دور الدولة والنيابة العامة ومجلس النواب فى التصدى لفساد توريد القمح.