بالفيديو.. بسنت فهمى: الموظفون لا يستحقون الدعم "وكفاية عليهم بياخدوا تلت الموازنة أجور"

قالت النائبة بسنت فهمى، عضوة لجنة الشؤون الاقتصادية بالبرلمان، إنه من غير المقبول توجيه "الدعم" لغير المستحقين، فثلث الموازنة العامة للدولة متمثلة فى الأجور، مضيفة: "ماينفعش الموظفين يحصلوا على الدعم.. ماحدش يقدر ييجى جنب الدعم، ولكن من غير المقبول إننا ندعم أشخاص لا يستحقون".



وأضافت بسنت فهمى خلال حوارها مع الإعلامى خالد صلاح، رئيس مجلس إدارة وتحرير "اليوم السابع" مقدم برنامج "على هوى مصر" بفضائية "النهار": "غير مقبول إننا ندعم الناس المقتدرة، أو أننا نسرق الدعم، أو يروح لغير مستحقيه، وده موضوع كبير أوى.. وهيضايق ناس اعتبرته حق مكتسب طبعًا.. بس مش هيضايق البسطاء، ومينفعش يبقى تلت الموازنة أجور، والتلت بتاع الدعم ياخدوه كمان.. أيوة أنا شايفه إن موظفى الدولة لا يستحقون الدعم".

وتابعت بسنت فهمى: "ماينفعش إنك تكون موظف وتقول أنا مبسوط إنى موظف وهاخد الدعم بتاع الغلابة.. فى حقيقة الأمر الحكومة مش للتَكَسُّب.. دى عمل عام"، مشددة على ضرورة مواجهة النفس وتحديد الأهداف.