كتب محمد تهامى زكى
قال الرئيس عبد الفتاح السيسى: "لا يمكن أبدا ألا أتجاوب مع إرادة المصريين، أنا رهن إرادة الشعب المصرى، ولو كانت إرادة المصريين هى أن أخوض انتخابات الرئاسة مرة أخرى، سأفعل ذلك"، بمجرد أن قال الرئيس هذه الكلمات دشن رواد تويتر هاشتاج "هنتخب السيسى تانى علشان" وتصدر قائمة الترند بأكثر من 5 آلاف تغريدة فى أقل من ساعة.
مقاتل مصرى شجاع ويعرف قيمة الوطن
وتنوعت تغريدات المدونين من خلال الهاشتاج، حيث قال أمير هشام: "هنتخب السيسى تانى عشان قائد بطل لشعب عظيم"، وقال بيشوى: "هنتخبه تانى عشان صدقه وأمانته وطيبة قلبه متجمعة فى قلب أشجع وأقوى رجل فى الصعاب"، بينما قالت هنادى السيد: "ناجح، قوى، مخلص، وطنى، إنسان حقيقى بمعنى الكلمة، هو مقاتل مصرى شجاع ويعرف قيمة الوطن، لذلك هنتخب السيسى دايما وأبدا".
رجع قيمة مصر ورفع مكانتها أمام العالم
وقال ياسر مرسى: "رجع قيمة مصر ورفع مكانتها أمام العالم"، وقالت شيرين محمود: "منستغناش عنك يا ريس، فعلاً خسارة على شبابك يا مصر، أكيد فى شباب فاهم وواعى ولكن فعلاً فى ناس مش فاهمة ومضحوك عليها"، وقال محمود سرور: "مانتخبتوش أول مرة وبصراحة أنا من جوايا حاسس إن الشعب المصرى يستاهل الراجل ده مرة كمان".
وقالت منة محمود: "هنتخب الرئيس تانى عشان شجاع مقاتل، عشان بيحل مشاكل سنين طويلة فاتت، عشان هو عنوان للعزة والكرامة والصدق والإخلاص"، وقال محروس محمد: "أنت إرادتنا، كمل دا واجبك يا ريس واحنا بنقولك تعالى عشان مصر يا سيسى هتحيا بيك ومعاك".
السيسى , اخبار مصر , اخبار السياسه , انتخاب السيسى , انتخابات الرئاسه
