بالفيديو.. أحمد موسى: مفيش حاجة اسمها ائتلاف "25-30" وده حاجة غير شرعية

هاجم الإعلامى أحمد موسى تكتل "25-30" متهمهم بمحاولة عرقلة التصويت على قانون القيمة المضافة، قائلًا: "مفيش حاجة اسمها تكتل 25-30 وده شىء غير شرعى، والله يكون فى عون الدكتور على عبد العال، رئيس مجلس النواب، على الشغل اللى بيعمله، لأن عنده قوانين مهمة وصعبة وكثيرة ولابد الانتهاء من عدد من القوانين خلال العشرة أيام التالية".
وأضاف خلال تقديمه ببرنامج "على مسؤوليتى"، المذاع على فضائية "صدى البلد"، مساء اليوم الأحد: "مفيش ائتلافات فى البرلمان كل هذه مجموعات غير شرعية، مفيش غير ائتلاف شرعى واحد وهو ائتلاف دعم مصر.. إنما 25 و30 و 70 و40 كل ده حاجات غير شرعية.. البرلمان هو الذى يعطى الموافقة فقط على القوانين".

وتابع موسى، قائلًا: "الدكتور على عبد العال توعد نواب 25-30، أنه سيعقد جلسة سرية وسيطلع النواب على تفاصيل جديدة فى غاية الخطورة، لافتًا إلى أن هناك محاولات لإسقاط البرلمان"، مضيفًا: "الدكتور على عبد العال قال الكلام ده ردًا على هيثم الحريرى، ودى حرية تعبير وكل نائب يقول كل الكلام اللى عايزه، لكن الشعب انتخب النواب لكى يفصح عن رأيه وليس لينسحب لأن اللى بيعمل كده شو إعلامى، ولو فيه بديل يقوله".


وتابع موسى، قائلًا: "إن هناك مجموعة من نواب البرلمان حاولوا عرقلة التصويت على قانون القيمة المضافة منهم هيثم الحريرى، وخالد عبد العزيز، ونادية هنرى، وجمال الشريف دون أن يعطوا أى بديل إصلاحى لمشروع القانون".