بعد موافقة البرلمان على "دور العبادة" معتز عبد الفتاح: "اللى بيحب ربنا يبنى مدارس"

علق الدكتور معتز بالله عبد الفتاح، أستاذ العلوم السياسية بجامعة القاهرة، على تمرير مجلس النواب بأغلبية ثلثى الأعضاء قانون بناء وترميم الكنائس، قائلًا: "مصر لا محتاجة مساجد ولا كنائس، اللى بيحب ربنا يبنى مدارس".

وقال عبد الفتاح، ببرنامجه برنامج "90 دقيقة" على قناة "المحور"، إن مصر مليئة بالمساجد والكنائس والأديرة، لكن ماذا سيفيد الدين فى حالة بناء الكنائس أو المساجد فى ظل التخلف والجهل الناتج عن عدم التعليم.

وتابع "بنعمل الجامع ده كله عشان يوم كل أسبوع، ما اللى عاوز يصلى يصلى فى أى جامع، أو أى مكان وبأى لغة، ممكن تكلم ربنا باليابانى أو بالإنجليزى، خد أوضه فى أى عمارة وصلى فيها، اللى بيحب ربنا يبنى مدرسة".