عمرو أديب يطالب ببث جلسات البرلمان على الهواء.. ويشيد بتغطية "برلمانى" للمجلس (فيديو)

استنكر الإعلامى عمرو أديب، عدم إذاعة بث مباشر لجلسات مجلس النواب على الهواء مباشرة، مطالبًا بإذاعة الجلسات خلال الفترة المقبلة، مشيدًا بالخدمة التى يقدمها "اليوم السابع" والفيديوهات التى ينقلها من داخل المجلس، مردفًا: "لا فيه تغطية ولا تليفزيون ولا أى حاجة، والناس فى مصر ما تعرفش إيه اللى بيحصل، عايز أعرف رئيس الوزراء قال إيه النهارده، كالعادة مفيش غير الفيديو اليتيم من برلمانى".



وأضاف "أديب" - خلال تقديمه حلقة اليوم الاثنين من برنامج "كل يوم"، على فضائية "on E" – قائلاً: "تقرأ سطرين هنا، تشوف فيديو على "اليوم السابع"، الموقع المحترم اللى بيجيب لنا الحاجات، يقولك أصل الإعلامى بيقول رأيه، ده أنا لو ما قولتش رأيى أموت، انتوا مش عايزين إعلام، إنتوا عايزين حد يطلع يلطم".

وتابع عمرو أديب حديثه بالقول: "القرار ده لازم يتغير، ولازم نشوف الجلسات على الهواء، وتلاقى بكره جلسة وتوقيعات لإغلاق برنامج عمرو أديب، ده أسهل حاجة، لأنه تعدى على المجلس وحاجات كده، خلاص بقى يا روح ما بعدك روح، زهقنا، فاض الكيل وبلغ العزف غايته".