وزير الطيران ردا على المقالات المهاجمة له:"يفتى الجهلاء ويضطر العاقلون أن يردوا"

علق شريف فتحى، وزير الطيران المدنى، على ما أثارته سحر طلعت مصطفى رئيس لجنة السياحة والطيران المدنى بالبرلمان، بشأن أحد المقالات التى هاجمته فى أحد الصحف من خلال وقائع بعدد من الشركات، قائلا: " للأسف يفتى الجهلاء ويضطر العاقلون أن يردوا، وكل واحد اشتغل فى شركة طيران بقى خبير، وفى ناس بتستغل دا علشان مصالح شخصية".

وأضاف الوزير خلال الاجتماع المشترك للجنتى السياحة والشؤون العربيَة، للحديث عن تنشيط السياحة البينية العربية: " أى حد شايف حاجة غلط يروح على النيابة على طول، وأنا أول واحد هدعمه، إنما دا مقال طبق سلطة، حاجة حصلت فى أحد الشركات، اشترت طيارة ومعرفتش تشغلها فأجرتها لشركة تانية، وراح مدخلها بموضوع تانى خاص بالتذاكر فى الخارج ".

وتابع الوزير : "اتهام الناس مش لعبة، أى حد يفكر إن الواحد بيبقى عنده ولاد، وبيقولولهم
في المدارس الكلام دا، ونظرة الجيران ليك بتتغير، دا يرضى ربنا؟"، فرد عليه أحد النواب: " والله كلامك صح، الولاد بيقولوا لولادى فى المدرسة أبوكم مابيخلصش مصلحة، علشان مفيش حد بيمضى حاجة".