كتب إبراهيم سالم
قال النائب محمد عبده، عضو لجنة السياحة والطيران المدنى بمجلس النواب، إن على وزير السياحة الانتباه لكافة المشاكل التى يعانى منها القطاع، وعدم التركيز فقط على أمن المطارات لعودة كافة الأسواق السياحية بالعالم ومن بينها السياحة الروسية، والإنتباه إلى المشاكل الأخرى كانتشار القمامة والتعامل فيما بين المواطنين والسياح وسائقى التاكسى.
وتابع "عبده" فى تصريح لـ "برلمانى"، أن سائقى التاكسى احتلوا مدخل مطار القاهرة، موضحا السايح بيحس إنه داخل موقف أحمد حلمى، والسواقين واقفين جوه صالة المطار نفسها بهدوم زبالة ومنظر حقير يصطادوا سياح يسرقوهم، ولو فلت سائح منهم عشان جاى فى مجموعة وخرج بس شاف منظر بارك المطار والفوضى اللى فيه وكمل رحلته للفندق فى صلاح سالم ومفيش ولا أى خط عبور مشاه لغاية ما يوصل الهرم حلم عمره إنه يقف قدامه".
وأضاف "عبده"، "وزير السياحة لازم يسأل نفسه إيه اللى ممكن يقوله السائح عن مصر لما يشوف المناظر دى؟ والوزير ده وكل وزارته ممكن يعملوا ايه للمنظر المهين ده؟.
