كتب مصطفى النجار
فجر معتز محمود، عضو مجلس النواب عن محافظة قنا، مفاجأة، إذ أكد أن محافظات الصعيد تعانى من نقص الأطباء والمتخصصين فى المجالات الطبية المختلفة، قائلًا: "أنا عملت مستشفى على حسابى الخاص كلفتنى 20 مليون جنيه، مش لاقى دكاترة تديرهالى".
واستطرد معتز محمود ، خلال حواره مع الإعلامى عمرو أديب، ببرنامج "كل يوم" على فضائية ON E، "فى كل المحافظات فى الصعيد يتم صرف مبالغ ضخمة لإعداد وتشغيل مستشفيات، والمشكلة إن أنا معنديش دكاترة ولا متخصصين يشتغلوا فى الصعيد، وطول ما أنا محلتش مشكلة أجرة الدكتور، طول ما فى مشكلة، وده أساس بلاء مصر"، وأضاف: "بنصرف فلوس بالمليارات وفى الآخر المحصلة صفر".
واقترح آلية لهيكلة المستشفيات قائلا: "يعنى لو وزارة الصحة خدت مسشتفى واحدة على مستوى كل مركز وطورتها، وعلت مرتبات الدكاترة فى المستشفى دى بس، الناس هتستفيد، لكن اللى بيحصل ناخد مليارات وهنروح مستشفى بكرة الصبح ولا هنلاقى دكتور بتاع آشعة مقطعية ولا أى حاجة".
