كتب مصطفى النجار
حذرت الدكتورة هالة أبو على عضو لجنة الشئون الاقتصادية بمجلس النواب، من أن الحكومة ممثلة فى وزارة الزراعة تقوم ببيع أكل مصر لشركات أجنبية، إذ وقعت اتفاقية تستولى بموجبها الشركات الأجنبية على النباتات النادرة التى لا تتوافر فى أى دولة غير مصر، مشيرة إلى أن اتفاقية "اليوبوف" تساوى احتكار الغذاء، معلنة عن إطلاقها لهاشتاج "#انقذوا_غذاء_مصر".
وقال الدكتورة هالة أبو على، فى تصريحات لـ"برلمانى": هذه قضية أمن قومى من العيار الثقيل، وأنا لا أفهم لماذا الاستعجال فى الحقيقة دون سد الفراغ التشريعى بالرغم من اعتراف الوزارات به، متسائلة: "أنا مش عارفة الحكومة مستعجلة على ايه؟ ولجنة الزراعة كمان؟".
ولفتت إلى إنه يوجد فراغ تشريعى ولا يوجد دراسات توضح الفائدة التي ستعود على الفلاحين من اتفاقية "اليوبوف"، والغريب أن لجنة الزراعة وافقت من غير دراسات ولا يحزنون.
واستطردت: "لكن باختصار كده، لازم الاتفاقية دي تترفض، لأننا عندنا في مصر من ٧٠٠٠ سنة نباتات نادرة، والعالم كله بيدور عليها ومش موجودة غير عندنا، ودي ثروة كبيرة وكنز واحنا لازم نحافظ عليها، مش كفاية الملوخية اتسرقت، لو وافقنا علي الإتفاقية دي، ويبقى هنخسر كل الخضروات التانية وثروة النباتات، والشركات الأجنبية هتستولى عليها، طيب مش حرام ده؟ ده حتى الدستور المصري بيمنع ده أصلا".
وأضافت: "
يعني بدل ما نساعد الفلاح المصرى، ونحافظ له على دخل معقول، نقوم ندي كل خير بلدنا للشركات الأجنبية؟ احنا أصلًا وقعنا إتفاقيات كتير علشان نحافظ على حق الفلاح المصرى، نقوم نيجي دلوقتي و نوافق على اتفاقية تضيع كل ده؟.
