نائبة تتهم وزارة الصحة بالجباية من المعتمرين بسبب تطعيم الأنفلونزا

قالت النائبة جليلة عثمان، عضو لجنة القوى العاملة بمجلس النواب، إنها ستتقدم بطلب إحاطة لوزير الصحة، بعدم اعتبار تطعيم الأنفلونزا للمعتمرين إجباريا وأن يكون اختياريا، نظرا لتحصيل وزارة الصحة مبلغا بقيمة 50 جنيها عنه، رغم أنه أرخص من ذلك ولا يتجاوز 32 جنيها.

وأضافت "عثمان"، فى تصريح لـ"برلمانى": "سأتقدم بطلب إحاطة لوزير الصحة، عشان الجباية اللى بتاخدها مكاتب الصحة من المعتمرين فى صورة تطعيم أنفلونزا إجبارى من كل معتمر، وهذا الطعم موجود فى الصيدلية الخاصة وأرخص من مكاتب الصحة وثمنه 32 جنيها فقط"، متسائلة: "ليه تفرضه عليا بشكل إجبارى وعشان تكتمل أوراقى كمعتمر لازم يشمل شهادة صحية وصل ثمنها 125 جنيها، منها 75 جنيها لتطعيم التهاب سحائى، و50 جنيها تطعيم أنفلونزا".

وتابعت: "تطعيم الأنفلونزا كان زمان اختيارى، وإنك تعمله إجبارى وبـ50 جنيها فدا اسمه جباية، وبعدين مفيش حد بيروح عمرة ويرجع من غير ما ياخد انفلونزا، أما بالنسبة للالتهاب السحائى فهو خطير جدا وضرورى أن يأخذ المعتمر تطعيمه".