رجل مسن
أكدت النائبة جليلة عثمان، عضو لجنة القوى العاملة بمجلس النواب، تقدمها باقتراح برغبة للدكتور على عبد العال، رئيس البرلمان، بشأن إنشاء خط ساخن لتلقى بلاغات الاعتداء على المسنين من قبل وزارة التضامن الاجتماعى والأسرة، على أن تتبنى الوزارة نقل هؤلاء المسنين من الشارع إلى دور للإيواء أو المسنين.
وتابعت "جليله" فى تصريحات لـ "برلمانى"، أن هؤلاء المواطنين من أصحاب السن المتقدمة لابد من مكافأتهم على ما قدموه خلال مسيرتهم طوال الأعوام الماضية، سواء من خدمة الوطن أو الأبناء، على أن يكون هذا النقل بمجرد جائزة تهدى لهم فى نهاية أعمارهم التى أفنوها فى تلك الخدمات.
وقالت "جليلة"، "أنا شوفت حوادث إعتداء كتير على الناس الكبيرة دى من أقرب ناس ليها غير الناس اللى موجودة فى الشوارع وبتبلطج عليهم وتسرقهم وتضربهم، دا غير إن شوفت ناس جيران فى المنطقة أخرهم واحد ومراته ضربوا والدته ورموها فى الشارع بعد ما تعبت علشانه، وتواصلت مع الوزارة لنقلها لدار مسنين لرعايتها فى أواخر عمرها، دا غير اللى أنا شوفته كتير وكتير من اللى بيتعمل فى الناس دى".
وأوضحت "جليلة"، أن الدستور فى العديد من مواده كفل رعاية المسنين من توفير حياة كريمة لهم من إيواء ومسكن وملبس، قائلة "مش لازم الدولة تعتمد فقط على معاش تكافل وكرامة اللى هو فى الاساس مش بيكفى حتى نصف الشهر، وباقى الشهر الناس دى بتموت يوميا من الجوع والبرد فى الشوارع".
واستطردت "جليلة"، قائلة "ليه نستنى لحد ما الناس دى تتعرض للأذى وبعد كده نفكر فى خدمتهم".
