كتب محمد مجدى السيسى
قال نجيب ساويرس مؤسس حزب المصريين الأحرار تعليقا على القبض على رجال الأعمال صلاح دياب: "حزنت جداً، وأعتقد أنه إجراء خاطئ جداً، وأعطى رسائل خاطئة جداً، وقُوبل بسخط وامتعاض من كافة جموع الشعب، حتى من يكرهون رجال الأعمال، ولم يفرح غير الشامتين والحاقدين".
وأضاف ساويرس فى حوار خاص لـ "برلمانى" أن طريقة القبض على صلاح دياب مفيش فيها أى عقلانية، وتكرار لنفس التصرفات الأمنية الغريبة، اللى كنا متصورين إنها خلصت، ومعظم رجال الأعمال بيخافوا، وممكن حد منهم يقولك أنا أسيب البلد أحسن، وأنا أيضا غير موافق على اللى حصل مع وزير الزراعة السابق، هو رايح يقدم استقالته لرئيس الوزراء، ممكن كان يقوله لأ أنت عندك تحقيق مع النائب العام ما أعتقدش هيقول لأ، هيروح فين يعنى، إنما توديله أربع عربيات التحرير وتعمل المنظر ده مينفعش، فى النهاية ده وزير وانت اخترته وعملت تحريات عليه، ولو أخطأت التقدير تتحمل المسئولية، والمفروض التعامل مع الواحد أنه برئ حتى تثبت إدانته.
