ننشر أقوى 10 تصريحات للرئيس السيسى فى مداخلته مع عمرو أديب

أكد الرئيسى عبد الفتاج السيسى، أنه غير غاضب من إسلام جاويش رسام الكاريكاتير، الذى أفرج عنه، يوم أمس الاثنين، مؤكدا فى الوقت نفسه أنه على استعداد للقاء شباب الألتراس والتحاور معهم، وفيما يلى ننشر أبرز 10 تصريحات للرئيس فى مداخلته مع الإعلامى عمرو أديب على قناة اليوم أوربت.
1 - "

والله العظيم مش زعلان من إسلام جاويش

أو من غيره، أنا عندى أولاد وعمرى ما ضيقت بيهم فكيف أضيق بأبناء مصر".
2 - "مخدناش بالنا من تعليق أحمد شوبير عام 2004 على ظهور الألتراس"، مضيفا "المفروض كنا ناخد بالنا منها.. لكن مخدناش بالنا".
3 - "عمرى ما زعلت من حد، وممكن أزعل على حالنا اللى بقى كدا".
4 - "أنا على استعداد للاجتماع بشباب الألتراس للاستماع لهم والتعرف على مشكلاتهم والتحاور معهم فى كل مشكلاتهم، والقضايا التى يحتجون عليها".
5 – "التجمعات الكبرى للجماهير ينتج عنها أزمات كبرى تحتاج إلى وقت طويل للوصول إلى الحقيقة، مثلما حدث فى أحداث المجمع العلمى وماسبيرو ومحمد محمود".
6 – "أدعو شباب الألتراس للمشاركة فى لجنة مشكلة من جديد بكل موضوعية للاطلاع على ما تم إنجازه من قبل، وشوفوا انتوا كمان عاوزين تعملوا إيه.. حققوا فى الموضوع.. فلا يوجد لدينا أسرار".
7 – " لا أضيق على شباب مصر.. أنا عندى أولادى وعمرى ما ضقت بيهم.. هضيق إزاى عليهم.. بمد إيدى فى كل حتة فى مصر وبلاقى حاجات لم يبذل فيها جهد.. إحنا اللى مش عارفين نتواصل معاهم ومش عارفين نوجد مساحات تفاهم".
8 – "عارف إنى هاخد وقت حتى نوجد حالة الثقة المتبادلة..أنا أثق فيهم لكن يجب أن يثقوا فيما نقدمه لصالح مصر سياسيا واجتماعيا وأمنيا واقتصاديا هدفه كبير وهم جزء من هذا الهدف".
9 - " الفقراء.. ده عمرى كله على دول.. عمرى كله على الغلابة.. أقبل منك بتوصية حقوق الإنسان لكن لن أقبل بتوصيك لى عن الفقراء، لأن التوازن بين الإجراءت الأمنية وحقوق الإنسان أمر حساس وبحاجة لمتابعة دقيقة، أما الفقراء ماتقوليش عليهم...دا عمرى كله على دول..عمرى كله على الغلابة".
10 - عن "مذبحة بور سعيد"، قال: "أنا كنت موجود فى الموضوع ده، ومفيش حاجة تقدر تقول إيه اللى حصل فى الموضوع ده، وبدقه تقدر تقول إنك تطمئن لها".