سائق "الألف مسكن": "أنا مش فرخة.. ولو ما أخدتش حقى بالقانون هاخدوا بأيدى"

قال رجب ربيع أحمد 35 سنة، سائق سيارة أجرة "ميكروباص"، أنه تم الاعتداء عليه من النقيب أحمد سمير نصار، الضابط بالإدارة العامة للمعلومات والتوثيق، بمنطقة ألف مسكن بدائرة قسم النزهة، قائلا: "دا ضربنى بالنار فى ميدان عام.. لو ما أخدتش حقى بالقانون هاخدوا بأيدى".

وأضاف رجب ربيع، فى مداخلة هاتفية مع الإعلامى وائل الإبراشى، مقدم برنامج العاشرة مساءً، "الظابط ماكنش راكب معايا وكان راكب مع زميل ليا وأنا كنت منتظر دورى.. وهو طلع نفسه من الشباك وشتمنى وأنا مجتش جنبه وملحقتش أكلمه طلع الطبنجة وضربنى الرصاصة.. دخلت من الرجل الشمال مرورًا بالخصية وخرجت من الرجل اليمين".
وتابع: "دا كدا مش ظابط شرطة وأنا مش فرخه عشان يعمل فيا كده.. والأهالى هما اللى مسكوه وضربوه.. والطبيعى أنه يحصل فيه كده دا فى ميدان عام".