كتب حازم عادل - أحمد عبد الهادى
قالت سامية أحمد عطية وشهرتها "سما المصرى": إنه فى حالة رفض الطعن الذى تقدمت به للمحكمة الإدارية بمجلس الدولة مختصمة اللجنة العليا للانتخابات، بشأن قرار استبعادها من الانتخابات البرلمانية، سوف تتخذ عدة إجراءات قانونية أكبر بكثير مما فعلته فى البداية.
وتابعت سما المصرى: "هناك درجات تقاضى أخرى" وهصعد الموضوع لأعلى مسئول فى الدولة لأن أنا مش عايزة غير حقى ومش هسيب حقى حد ياخده منى.. أنا بحترم أحكام القضاء وبرضو القضاء اللى هيجيب لى حقى".
وقالت سما المصرى مهددة: فى حال رفض طعنى سوف أقوم بالكشف عن فضائح عديدة بالمستندات عن المرشحين فى مرحلة الانتخابات الأولى، متابعة "لو الناس عرفت حقيقة المرشحين هيتفاجأوا فعلًا أنهم سيئوا السمعة، مؤكدة على امتلاكها مستندات".
وأضافت: "اللى يحصل يحصل عشان القانون يطبق على الكل ولما يخرجوا من الانتخابات زى ما أنا خرجت مش هزعل لأنى هيبقى زيى زى غيرى".
