نائب برلمانى: "اللى مش عاجبه ارتفاع أسعار السجائر يروح يشرب سم ونبقى ارتحنا منه"

علق النائب البرلمانى على عبد الونيس عضو مجلس النواب، معلقًا على ارتفاع أسعار السجائر، وتقديم النائب محمود عطية بطلب احاطة لمعرفة أسباب، قائلا: "مع احترامى للنائب محمود عطية إلا أن هذا الكلام مرفوض للأسف، السجائر تولع وإن شاء الله يوصل سعرها لـ200 جنيه، عملة صعبة أيه إلى نوفرها للسجائر، بدل من نوفر العملة الصعبة للبن الأطفال والدواء ونحل مشكلة البطالة، دى ناس مش حاسة بالمسئولية".

وأضاف "عبد الونيس" قائلا: اللى عايز يشرب سجائر يشرب، واللى مش معاه يشرب عنه ما شرب، ده كلام ناس فاضية، وبالنسبة للسجائر المهربة اللى هيلجأ ليها الشباب فى حالة ارتفاع أسعار السجائر براحتهم، يروحوا يشربوا سم احسن له ويبقى ارتحنا منه، وأنا عندى ولاد وحاسس بالأزمة، وأسعار كل حاجة فى البلد غليت بسبب ارتفاع سعر الدولار هنسيب كل حاجة ونمسك فى السجائر".

وكان النائب البرلمانى محمود عطية قد تقدم بطلب إحاطة حول ارتفاع أسعار السجائر، مرجعًا سبب ذلك إلى فشل الشركات العاملة فى صناعة السجائر على توفير العملة الأجنبية اللازمة لاستيراد التبغ ومستلزمات الإنتاج، فضلا عن الأكشاك الغير مرخصة والتى تعمل على رفع الأسعار واستغلال حاجة المدخنين!