أسامة كمال لـ"السيسى": المصريون يشتكون من ارتفاع الأسعار والرئيس يرد "شكوتهم على رأسى"

وجه الكاتب الصحفى أسامة كمال سؤالاً للرئيس عبد الفتاح السيسى، عن شكوى المواطنين من ارتفاع أسعار الكهرباء والخدمات، ورد الرئيس قائلاً: شكوى المواطنين على رأسى وما يتم دفعه لا يمثل حق التكلفة وما يزعلوش منى بس دى الحقيقة، إحنا عندنا 30 مليون مشترك للكهرباء، ولسه المنظومة لم تحسن، علشان أكون منصف وموضوعى، إزاى نعمل قراءات مناسبة وفى توقيتات مناسبة.
وأضاف "الرئيس"، حتى بالتكلفة المالية اللى أنت بتاخد بيها الخدمة مازال فى جزء من الدعم مقدم لحضرتك، إحنا محتاجين نرشد الاستهلاك فى حاجات كتير، انت بتاخد المياه جنيه وبتدفع قصاده جنيه للصرف الصحى، الكهرباء انت بتكون حريص جداً فى استخدامك فيها، واحنا مش بنعمل كده مش موجودة فى ثقافتنا.
وأضاف "الرئيس" عايز أقول للمصريين "ما تتألموش منى"، لكن الحقيقة أن الخدمة إلى بتقدم ممكن تكون بنسبة 50 أو 60% من تكلفتها.