كتب محمد سعودى
قال عصام الدين القاضى، عضو لجنة الصحة بالبرلمان، إن مصر يمكنها زيادة صادرات الدواء للخارج، عن طريق فتح أسواق خارجية فى دول العالم المختلفة.
وأضاف القاضى، فى تصريحاتٍ لـ"برلمانى": "عشان نزوّد صادرات الدواء لازم نفتح أسواق خارجية، ويكون عندنا سوق مفتوح، وده دور مكاتب التمثيل التجارى لمصر الموجودة فى دول العالم.. هذه المكاتب ممكن تفتح لنا أسواق فى مختلف دول العالم، بدل ما مسئولى المكاتب قاعدين مظهرة وعايشين فى رخاء، يتصوروا ويروحوا حفلات.. يعنى هما هايقطعوا نفسهم؟!".
وتابع القاضى: "المفترض يكون لمكاتب التمثيل التجارى دور كبير فى تصدير كل السلع المصرية فى أسواق العالم كله، وتفتح أسواقًا جديدة فى أفريقيا، وده يساعدنا على وضع رجلنا فى دول القارة السمراء فى مختلف المجالات مش الدواء بس، خاصة أنها قنوات شرعية ممتازة تمتلك كل الإمكانيات".
