رسالة محمود عبدالعزيز الأخيرة: "فوقوا.. هنقابل ربنا إزاى وكل واحد شايل دم أخوه" (فيديو)

فى رسالة قوية للفنان القدير الراحل محمود عبد العزيز، هزت كيان ووجدان المصريين، وخرجت كلماتها من لسان صادق دأب على تجسيد الأدوار الاجتماعية والوطنية والأخلاقية من الطراز الأول والفريد من نوعه، استعاد الساحر روح حضارة المصريين الممتدة على مدى 7 آلاف عام لم تعرف قتل مصرى لآخر بسبب القعيدة أو الفكر أو التوجه.

ووقف الفنان الراحل فى أحد مشاهد مسلسل "باب الخلق"، الذى جسد فيه دور الرجل العائد من الشيشان بعد انفصاله عن الجماعات المتطرفة التى استغلته وجعلته وقودًا للحرب التى تشنها هناك وتتخذ من الدين ستارًا لها، وسط عشرات المصريين وقف "محفوظ زلطة" بين شجار مستميت، ليصرخ قائلاً: "يا مصريين فوقوا، حرام اللى بيحصل ده، كفاية، أنتم مصريين، أنتم حضارة 7 آلاف سنة؟ حضارة عمر ما مصرى قتل مصرى علشان اختلاف فى عقيدة ولا دين ولا ملة".

واستطرد الراحل فى رسالته التى لمست قلوب المصريين، نظرًا للحاجة الملحّة فى ترديدها اليوم فى الواقع المرير الذى تشهده مصر على أيدى بعض من يدعون أنهم مصريون، قائلاً: "اختلفنا فى الجوع والقرف وحكم الحكام الظلمة، لكن عمرنا ما قتلنا بعض علشان خاطر عقيدة أو دين، حرام عليكم، فوقوا بقى، حد يقدر يقول لى دم مىن ده؟ مسلم ولا مسيحى؟".

وتساءل الساحر محمود عبد العزيز فى مشهده العبقرى الذى جسده بكل جوارحه، عن سر كره بعض المصريين لإخواتهم، متابعًا: "ليه بقينا بنكره بعض كده؟ ونذل فى بعض كده؟ وماسكين لبعض على الواحدة؟ ليه نقتل بعض؟ مفيش دين فى الدنيا يقول كده، فى يوم هنتعرض كلنا أمام الواحد القهار، وهيسألنا على اللى عملناه فى دنيتنا، هنقابله إزاى وكل واحد فينا شايل دم أخوه على إيده، بلدنا حلوة حبوها يا إخوانا، لا جوع ولا عدو وجن أحمر ممكن يدمر البلد دى، لكن اللى بيحصل ده هيدمرها".