"مفيش جواز تانى".. نائب:"طلب إحاطة لوزير الصناعة بعد ارتفاع أسعار الأجهزة الكهربية"

قال النائب حاتم عبد الحميد، عضو مجلس النواب عن القناطر الخيرية، أنه سيتقدم بطلب إحاطة لوزير الصناعة لمطالبته بتشغيل المصانع الحكومية التى تنتج الأجهزة الكهربائية، وذلك لمواجهة ارتفاع أسعارها فى الأسواق.

وأضاف عضو مجلس النواب عن القناطر الخيرية، فى تصريحات خاصة لـ"برلمانى"، قائلا:"بعد ارتفاع أسعار الأجهزة الكهربائية هيبقى مفيش جواز تانى، مين اللى يقدر يجيب تلاجه بـ7 الاف جنيه، والشاشة 32 بوصة سعرها وصل 2700 جنيه، ودى مرتبط بسعر الدولار والأسعار العالمية".

وتابع:"بقول للشعب المصرى بلاش يشتروا شبكه ودهب، كفاية دبلة بس عشان يكون فيه إقبال عى الزواج، ده كمان الدبلة بقت بـ 4 الاف جنيه، وممكن نستغنى عن الذهب، لكن لا يمكن الاستغناء عن الأجهزة الكهربائية".

وأضاف :"هتقدم بطلب إحاطة لوزير الصناعة، لأبد من إعادة هيكلة المصانع الحكومية لإنتاج الأجهزة الكهربائية، فين شركة بنها وشركة تشويبا العربى، وشكرة فليبس"، مشددا على أهمية تشجيع الانتاج المحلى والحد من الاستيراد وتشغيل مصانع الأجهزة الكهربائية لتوفيرها ومواجهة ارتفاع أسعارها.