لماذا وجه توفيق عكاشة دعوة للسفير الصهيونى للعشاء فى منزله؟ (فيديو)

قال الإعلامى توفيق عكاشة عضو مجلس النواب عن دائرة طلخا ونبروه بمحافظة الدقهلية، إنه وجه دعوة للسفير الإسرائيلى بالقاهرة ديفيد جوفرين، للعشاء فى منزله الأسبوع المقبل.

السر وراء دعوة توفيق عكاشة للسفير الإسرائيلى

وأوضح توفيق عكاشة فى برنامجه التليفزيونى "مصر اليوم" الذى يذاع على قناة "الفراعين" قائلا: "إحنا عندنا انفصام فى الشخصية الممانعة النفسية التى تم ملء مرجعية اليسار مرجعية ماركس الماسونى اليهودى بيها بتؤدينا لنا دلوقتى لأمراض اسمها أمراض الممانعة النفسية".

وتابع: "هل سفير إسرائيل فى مصر، الشرطة المصرية مش عاملة عليه حراسة، المخابرات العامة المصرية مش مشاركة فى تأمين السفير الإسرائيلى، كمية الحراسة اللى مع السفير أد إيه؟ 15 ضعف اللى مع أى سفير فى مصر، ضعف اللى مع السفير الأمريكانى، ده نتاج إيه؟ مش نتاج اعتراف مصر بإسرائيل واعتراف إسرائيل بمصر فى معاهدة السلام 79، جميل إحنا ليه عمالين بنلف وندور على بعض، لماذا لا نواجه هذا الموقف؟".


وأضاف: "أنا شخصيا وجهت دعوة للسفير الإسرائيلى ومن يريد أن يدعوه معه لحضور العشاء عندى فى البيت عشان ندير حوار على الكتاب (دولة الرب.. الماسونية.. والألفية السعيدة)، ثم استطيع أن أقدم لبلدى ما استطيع تقديمه ولو كانت آخر نقطة فى دمى".

واستكمل كلامه قائلا: "بقول لصحفيين مصر زايدوا ده أنا هتصور معاه وهديكوا الصور تنشروها، إحنا هننصب على بعض؟ إحنا هنشتغل نصابين على بعض عشان نموت بعض؟ أنا عندى كارثة والدولة متكتفة وحاطه خطة لمواجهة الكارثة، لكن هذه الخطة مليانة ضحايا.. ما كفاية ضحايا الطرق وضحايا الإرهاب، هيبقى كمان الميه؟ الله ولا إحنا الشعب كتير عدده كبير يبقى عايزين نخفض الأعداد، ما كفاية ضحايا الاقتصاد الناس اللى بتنام من غير عشا".