نجل المشير عبد الحكيم عامر ساخرا من منتقدى جسر الملك سلمان: "فوقوا يا بشر وكفاية هرى"

سخر عمرو عبد الحكيم عامر، نجل المشير الراحل عبد الحكيم عامر، والمرشح السابق فى انتخابات مجلس النواب، من ادعاءات جماعة الإخوان الإرهابية والمناصرين لهم من النشطاء، وأيضا أنصار مبارك، بعد توقيع مصر والسعودية اتفاقية إنشاء الجسر البرى بين البلدين، بحجة أن النظام الحالى يبيع مصر، قائلا: "فوقوا يا بشر وكفاية هرى".



وأضاف نجل عبد الحكيم عامر - عبر صفحته الرسمية على موقع التواصل الاجتماعى "فيس بوك" – قائلاً: "هى مصر باعت أرضها امتى علشان تبيعها دلوقتى، وهو السيسى يقدر يتصرف لوحده فى ملفات أمن قومى، وفوقوا يا بشر وكفاية هرى، احنا أكتر بلد دفع دم علشان أرضها، يخرب بيت النشطاء على النخب على (الكولّجيه) على بعض، و بكرّر، بعض الفلول اللى صفحته بقت متفرقش عن أى إخوانى، فوقوا يا بشر، وصلنا لمرحلة من الهرى تصل إلى حد التخلف وتدمير الذات".



وتابع عمرو عبد الحكيم عامر: "هو ما كانتش سهلة يبيعك يوم 30 وياخد له مليار ويبقى وزير دفاع أبدى، والإخوان يعملوا له تمثال ويبقى الخليفة المنتظر، ويجعلوا الميديا كلها تطبل له كمان، ويقولك ما انت اخترت ودى الديمقراطية يا بتوع يسقط حكم العسكر، مش عايز أقول كلام ما ينفعش أقوله، كفاية دى بس".

واختتم المرشح السابق فى انتخابات مجلس النواب تدويناته بالقول: "انصر بلدك ظالمة أو مظلومة، خارجيًّا وليس داخليًّا، خارجيًّا احتلوك وقتلوك وبهدلوك وسرقوا ثرواتك، فما تعملش فيها المدافع عن الحق".