بعد الحريق.. هاشتاج "الغورية" يتصدر تويتر 8 ساعات متواصلة

استمر هاشتاج "الغورية" فى احتلال قمة قائمة الأكثر تداولا بموقع التواصل الاجتماعى "تويتر"، اليوم الأربعاء، لمدة 8 ساعات متواصلة، بداية من انتشار خبر الحريق ومرورا بمحاولة قوات الحماية المدنية السيطرة عليه، وانتهاء السيطرة عليه وتناول توابعه.



وجاءت تغريدات رواد الموقع كالتالى "عمو ياللى معاك الولاعة، الحريقة بكرة فين"، "قوم نحرق هالمدينة ونـ..-نحرق إيه هو فاضل فيها حاجة"، "يا ترى الدور على مين بعد كدة"، "وما ذنب الغلابة ما كفاية اللى هما فيه"، "إمبارح العتبة والنهاردة الغورية ياترى بكرة مكان الحريقة فين ؟ هتروحى بينا على فين تانى يا مصر".



وتابع المغردون "كمية الحرايق دى معناها ان البلد دى فيها عفريت لازم يمشى"، "محدش معاه جدول حرائق القاهرة الاسبوع ده"، "تتميز مصر بالحرائق صيفا وبالتفجيرات شتاءً"، "الحمد لله بقا عندنا محللين حرايق كمان وبيتوقعوا كمان مين اللى بيحرق والسبب والمواد المشتعله الله يخربيتكوا يا بعده"، "حد يفهمنى ما هو الفرق بين حريق الغورية وحريق الرويعى وحريق العتبة مع ذكر الفروقات فى التوقيت ينبوكم ثواب"، "فى 52 ﻛﺎﻥ ﺍﻟﺤﺮﻳﻖ ﻑ ﺍﻟﻘﺎﻫﺮﺓ ﻓﻘﻂ، ﺗﻄﻮﺭ ﺍﻟﻰ ﻣﺼﺮ ﻛﻠﻬﺎ"، " نصيحة للباعة الجائلين فى السيده زينب، جدول الحرائق بتاعكم قرب"، "ماتعملى جدول للحرايق يا حكومة والويك اند يبقى إجازة".



وكانت قوات الحماية المدنية قد تمكنت من السيطرة على حريق شب فى 12 محلا وفاترينة بشارع الحمزاوى بالغورية التابع لقسم الدرب الأحمر، بعد أن تسبب فى إصابة شخصين وخسائر بملايين الجنيهات.