نشطاء عن فيديو للنائبة نعمت قمر تتحدث فيه عن بيان الحكومة: "ست زى العسل"
النائبة نعمت قمر
الأربعاء، 11 مايو 2016 02:38 م
كتب محمد عبد العظيم
تداول نشطاء مواقع التواصل الاجتماعى، فيديو للنائبة نعمت قمر، عضوة مجلس النواب، خلال حديثها عن بيان الحكومة، معلقين على الفيديو: "علىَّ النعمة ست زي العسل".
وقالت النائبة فى الفيديو: "الدكتور على عبد العال والسادة الزملاء النواب المحترمين.. أنا مش هطول عليكوا لأن فى النهاية برنامج الحكومة موافقون موافقون" لتسود حالة من الضحك خلال الجلسة العامة، ورد عليها رئيس المجلس: "نحن نناقش البيان ولم نصل بعد لمسألة الثقة".
وأضاف نعمت قمر: "أنا بشكر حزب المصريين الأحرار نظرًا للسلبيات التى سجلها فى كل محور من محاور البرنامج، والمحور الأول تكلم فيه اللواء كمال كلام جميل جدًا مش هقراه.. إحنا عارفين الأمن القومى إيه، والإرهاب إيه، وكل حاجة فاهمينها بالظبط.. كلنا إيد واحدة، وهم فاهمين مش هنصرف كام إلا لما يكون فيه رقابة صح.. وأنا بقرا الورقة 19 مليار لميزانية كذا، و20 مليار لميزانية كذا، ولازم تكون فيه رقابة من البرلمان، وبعدين بشكر حزب النور على نقاط معينة وبشكر الدكتور محمد المرشدى".
