كتب محمد الحكيم
تداول النشطاء على موقع التواصل الاجتماعى "فيسبوك" ما يمكن اعتباره بـ "أطرف موقف" يمكن أن يحدث فى شهر رمضان المبارك ما بين ضابط مرور، وسائق تاكسى، حيث روى مينا فهمى، الذى رافق السائق فى هذا الموقف ما رآه على صفحته الشخصية على الشبكة الاجتماعية قائلًا: "إن سائق تاكسى قرر إيقاف أحد سائقى التاكسى الرافضين لتناول التمر فى إحدى اللجان القريبة من قسم الساحل بشارع شبرا بالقاهرة الكبرى".
وقرأ موقع "برلمانى" تعليق مينا فهمى الذى قال فيه نصًا: "من كام يوم وتحديدا عند قسم الساحل شارع شبرا.. شوفت أكتر موقف معرفتش أمسك نفسى فيه من الضحك قدام لجنة وضابط.. راكب مع تاكسى شاب صغير فى أواخر العشرينات وداخلين عند قسم الساحل لقيت زحمة.. والغريبة أن الكمين فى الحتة دى بيبقى بالليل بس عمره ما وقف وقت الفطار يعنى".
وأضاف فهمى: "المهم وقفنا وبنعدى لقيناهم بيوزوعوا تمر وفطار للناس اللى صايمة لأنه وقت الفطار ف السواق وهو معدى من جنب الظابط.. الضابط: (وشه ناسف جدا) رمضان كريم.. خد وعدى وادى الأستاذ اللى جمبك.. السواق: لا يا باشا شكرا.... مبحبش التمر هفطر فى بيتنا بقى.. تسلم (وهو بيمشى مبتسم)".
وتابع: "الظابط: استنى استنى.... يعنى إيه مبتحبش التمر.. بقولك خد (قلب وشه أكتر).. السواق: مش عايز والله يا باشا (حس بقلق).. أنا: معلش يا باشا رمضان كريم هاخد أنا طيب (بحاول أهزر)..الضابط: بس يا أستاذ.. خد كيس التمر من إيدى.. السواق: والله ما عايز يا باشا إيه المشكلة.. الظابط: اااه.. طب اقفلى على جنب.. (طبعا الظباط اتلمت فى إيه ده إحنا بنعمل خير يعنى إيه اللى حصل).. ( نزل السواق وبعلو حسه قبل ما يتلموا عليه).. السواق: مبحبش التمر.... والله العظيم ما بحب التمر.... مش علشان أحب مصر والجيش والشرطة لازم اخد تمر... والرخص اهيه يا باشا".
ضابط مرور – ارشيفية
