أشرف اسكندر يحتفل بعيد ميلاده.. وزوجته: "يا راجل يا طيب.. أنا فعلا ما أستاهلكش"

احتفلت أسرة النائب أشرف عزيز اسكندر، عضو مجلس النواب عن حزب الوفد بمحافظة الفيوم، بعيد ميلاد النائب، والذى نشر صور الاحتفال عبر صفحته الشخصية على موقع التواصل الاجتماعى "فيس بوك".

وقالت زوجة النائب - فى تدوينة لها عبر موقع التواصل الاجتماعى "فيس بوك"، اليوم الثلاثاء - "كل سنة وانت طيب يا راجل يا طيب، انت الرجل اللى بينفذ وصية ربنا منذ ميلادك وإكرام والديك، انت الحنون على زوجتك ومسؤول عليها بعد والديها، رابح فى تجارتك اللى أمرك بيها ربنا فى تربية بناتك وأولاد أخوك، أمين فى عملك، قدّ المسؤولية اللى ربنا بيديها لك، انت الراجل اللى لم يسلك فى مشورة الأشرار، انت الراجل اللى لم يجلس فى مجلس المستهزئين، مهما قلت مش هوفيك حقك، أنا فعلا ما أستاهلكش".

ومن جانبها، قالت ابنته: "بابا حبيبى كل سنة وانت طيب وعقبال مليون سنة وربنا يزيدك حكمة ويديم صحتك وحب الناس ومساعدتك للى بيجيلك وتكون قد المسؤولية، كل سنة وانت كبيرنا وفى وسطينا". .