الرئيس السيسى عن ملف حقوق الإنسان: "معندناش حاجة نخبيها"

كشف الرئيس عبد الفتاح السيسي، عن حوار دار بينه وبين أحد المسؤولين في بلجيكا، قائلا: "فى بلجيكا التقيت بالناس وكلمت الدنيا.. أول ملف كنت بتكلم عن ملف حقوق الإنسان لأننا معندناش حاجة مخبينها.. عندنا قضية مش معروفة وغير معلومة إلا لبعضنا، من ضمن الحاجات اللى كنت بتكلم مع المسؤول قلتله ليه مسالتنيش عن الناتج المحلى بتاعك كام؟ استغرب يعني وقلتله الناتج المحلى عندك كام قالى 500 مليار والسكان قال 10 ملايين نسمة، قلتله يبقا أنا عاوز دخلى 5 تريليون دولار علشان عندى 100 مليون نسمة، وعلشان انا معنديش المبلغ ده الناس في مصر مش بتاكل كويس ومبتتعلمش كويس ومبتتعالجش كويس.. أدى حقوق الإنسان اللى أنا اعرفها".

 

 

وأضاف الرئيس خلال كلمته في تدشين مشروع تنمية الأسرة المصرية: "الناس في مصر مظلومة ومبتتعلمش كويس ومبتتعالجش كويس..أنا مش مانع أنه يتكلم أنا عاوزه يتكلم.. بس يعرف قضية البلد كويس قبل ما يتكلم ويسمع الناس وينكد عليها في بيوتها بدون كلام أقل ما فيه مش مستكمل معرفته، ودي كلمة مؤدبة عن الجهل وعدم إدراك وعدم تقدير الواقع اللى احنا فيه".