"10 رسائل" من السيسى للمصريين

حملت مشاركة الرئيس عبد الفتاح السيسى فى الفعاليات المختلفة من المؤتمر الوطنى الأول عددا من الرسائل تمت الإشارة إليها خلال حديثه مع المشاركين فى الحدث فى شتى المناحى، سواء الاجتماعية أو الاقتصادية، وكذلك كافة القضايا المتعلقة بالشارع المصرى، لذا يرصد "برلمانى" أبرز "10 رسائل" ووجهها الرئيس.

1- "أنا واحد من المصريين.. 10 سنين تلاجتى مفيهاش غير مياه بس"

قال الرئيس عبد الفتاح السيسى، خلال لقائه مجموعة من الشباب فى ندوة "أزمة سعر الصرف": "أنا واحد منكم..والله العظيم قعدت 10 سنين تلاجتى كان فيها مياه بس ومحدش سمع صوتى ..أنا من أسرة غنية جداً وآسف إنى بقول كدا على نفسى لكن بقولكم على عزة وعفة النفس ..دا أمر مش بييجى بالساهل".

2- الانتهاء من 1350 مشروعا فى 2018

وأكد السيسى، أنه كان لابد من تدخل القوات المسلحة فى المشروعات القومية، لأن حجم العمل المطلوب كان ضخما جدا بالإجراءات البيروقراطية والفساد، وكان يتم تجهيز 1350 مشروعا لإنجازهم فى 25 سنة، مردفاً: "إن شاء الله لو لى عمر وموجود فى 2018 هسلمكم 1350 مشروعا يا مصر".

3- طرح 8 ملايين عبوة "سلع غذائية" بنصف ثمنها من إنتاج الجيش

وأعلن السيسى، أنه سوف يتم طرح 8 ملايين عبوة "سلع غذائية" تباع بنصف ثمنها، خلال الفترة القادمة، سوف تنتجها القوات المسلحة، وسوف يتم طرحها لـ8 ملايين أسرة وهى سلع أساسية، بها "كيلو رز وسكر وشاى وصلصلة وفول وعلبة سمن".

4- اقتصاد الجيش 1.5% من الناتج المحلى.. والتسليح من ميزانيته الخاصة

فيما كشف الرئيس أن تسليح القوات المسلحة (شراء الأسلحة والمعدات) من الميزانية الخاصة للجيش وليس الموازنة العامة للدولة، ومن قدراته الاقتصادية، قائلا "الجيش ده من مصر ولمصر"، كاشفًا عن أن حجم اقتصاد الجيش يتراوح بين 1 و1.5% من الناتج المحلى الإجمالى لمصر، مؤكدًا أن ما يتردد عن أن حجم ميزانية الجيش تبلغ 20 أو 25% من موازنة مصر غير صحيح.

5- نقدر كل الأحزاب ومحدش بيمسها

شدد الرئيس عبد الفتاح السيسى، على أهمية وضرورة دمج الشباب فى العمل السياسى والمحليات، وبذل الجهد فى سبيل النهوض بالوطن، مؤكداً: "كل الأحزاب الموجودة مقدرة ومحدش بيمسها، والدولة تقدم كل الدعم لهم طالما فى خدمة الوطن، ولو غير كدا بقبله أو بستحمله".

6- رسالة للشباب: "كل ما تعرفوا أكتر هتخافوا على البلد"

وأكد الرئيس حرصه على نجاح التجربة المصرية منذ 25 يناير حتى اليوم، وأن تأخذ المدى الزمنى المناسب، مضيفا: "لكن عندنا إشكالية الوقت..الشباب عاوز يشوف تنظيم سياسى قوى وحجم الحريات وإجراءات إحكام والحفاظ على الأمن القومى الآن..انت عاوز كل ده دلوقتى..إحنا رايحين له بس مش دلوقتى".



وأشار الرئيس، إلى أنه رفض منذ عامين طرح بتأسيس حزب سياسى، موضحاً: "قلت بلاش نعمل كده وفى الوقت نفسه لم يعيق أحد عمل تنظيم سياسى بأى شكل من الأشكال، ولم أعق عمل أى تنظيم سياسى ودعمت الفكرة"، مستطرداً: "كل ما تعرفوا أكتر كل ما هتخافوا على البلد أكتر..وهذا ردى على الناس اللى حاسة إن مفيش حرية كافية .. كل ما تعرفوا أكتر هتخافوا على البلد أكتر..عاوزين منى إيه ..اعمل إيه دلوقتى؟".

7- أسباب إصدار قانون التظاهر

قال الرئيس عبد الفتاح السيسى، إن الإجماع على أحد مستحيل المنال، والتوافق على إجراءاته لن يحدث، أن حرية التعبير لا يرفضها أحد، مردفاً: "مستعد أجيب الجرايد من 6 شهور فاتوا وتشوفوا اللى مكتوب فيها إيه، بغض النظر إن ده صح أو غلط، لكن محدش بيحس بحد".



وأوضح الرئيس، أنه كان لديه إشكالية كبيرة، لأن قانون التظاهر تم إعداده فى وقت كانت مصر أحوج ما تكون لضبط نسبى للموقف المصرى، مستطرداً: "ومعمول عشان الدولة كانت على المحك، وأن ننزلق لنكون دولة مثل دول أخرى، وتشوفوا حجم الضياع الذى يعانى منه الناس، وأوعوا تتصوروا إن أنا بطرح ده على أنى بحاول أجيب مبررات لإجراءات استثنائية، وإحنا عايشين فى ظروف ووضعنا جنبها الاستهداف والمؤامرة والجيل الرابع والخامس من الحرب"، متابعًا: "لو الأمر بحاجة لحوار مجتمعى فى النقطة دى أنا مستعد أعمله.. أستمع لكل التصورات والأطروحات ونناقشها".

8- "بلاش أى شكل احتجاجى يضر مصر"

قال الرئيس، إن مصر فى موقف صعب منذ سنوات طويلة، مشددا على ضرورة ألا نستعين بأى شكل من أشكال الاحتجاج لأن "صوتك مسموع.. المسؤول مش هيعمل ليه".



ووجه الرئيس حديثه للمصريين: "الدولة بتحمل سنويا عما كان قبل كده 150 مليار جنيه زيادة فى عجز الموازنة، بييجوا سلف واقتراض إجماليهم فى الخمس سنين اللى فاتوا 900 مليار جنيه..أنا بتكلم عن القطاع الحكومى فقط".

وأكد السيسى أن أحد أهم أسباب ارتفاع الأسعار أن القدرة الشرائية أكثر من الضعف، مضيفا: "أنا بطلب حاجة واحدة: "من فضلكم بلاش مطالبكم تاخد الشكل الاحتجاجى اللى بيضرنا.. أنا مش بخوفكم أنا بس بنبه نفسى وبنبهكم..محدش هيعمل لكم حاجة بس أنا بقول لكم خافوا على مصر".

9- المصارحة فى تناول القضايا التى تخص الدولة أكثر من المطلوب

قال الرئيس عبد الفتاح السيسى، إن حجم المصارحة والمكاشفة المتاحة حاليًا فى تناول القضايا التى تخص الدولة أكثر من المطلوب، وذلك من أجل حماية الأمن القومى للدولة.

وأضاف السيسى، "أنا قلت متنسوش إن فى 3 يوليو إحنا طلعنا بيان مصاغ بشكل شديد الانضباط والحرص على الدولة المصرية، وأنت مقلتش فى البيان عزل فلان، وأنت أديت 7 أيام و48 ساعة ومحدش بيعمل كده، وارتباط ده باللى بنتكلم فيه إنه لغاية 3 و4 و5 و6 و7 مكنش حد خد إساءة حتى لفظية ويوم 8 الفجر التدبير معمول إنك تدخل مصر فى حالة تانية، وأرجوا إننا نستعدى الشكل اللى كانت مصر موجودة فيه من 8 يوليو لغاية سنتين فاتوا".

10- ردا على مطالب الإفراج عن الشباب: "مين عايز يحتجز ولاده ؟!"

أكد الرئيس عبد الفتاح السيسى، أنه فى كل المناسبات التى يُطلب فيها الإفراج عن الشباب الذى لم يرتكب أعمال عنف ولم يصدر بشأنه أى أحكام قضائية نهائية حتى الآن أنه يتحرك لحل المسألة، قائلا "بقول إحنا نشكل مجموعة من كل الشباب البرلمانيين لمتابعة هذا الملف".

وتساءل السيسى: "مين عايز يأخد أولاده يحطهم فى احتجاز؟!، وده كلام نابع من جويا وأرجوا يوصل لكم ولو إحنا عندنا واحد فى الألف فى نسبة من 18 حتى سن الأربعين، ده مش موجود عندنا ولا عندنا القدرة أننا نعمل دة، أنا بقول تتشكل مجموعة من الشباب اللى موجود هنا ودى رابع مرة أعمل الحكاية دى لأنى ماليش مصلحة، ويراجعوا كل حاجة واللى هيعلنوه أمامى هوقع عليه طبقا للدستور والقانون".