والله بعودة يا "بدران"

لدينا برلمان ورئيس.. والدستور يفصل بين السلطات

أنا أول رئيس اتحاد طلاب لـ3 دورات متتالية

لن أعلق على الشأن الأمريكى الداخلى

أنا كمسلم وعربى فى أمريكا معنديش حاجة أخاف منها

كل شىء بيبدأ بحلم ونحن قادرون على تحقيق حلمنا

فى أول ظهور له منذ سفر إلى الولايات المتحدة لاستكمال دراسته، أجرى محمد بدران رئيس حزب مستقبل وطن، حوارا مع جون انديليند مستشار البيت الأبيض سابقا، تحدث فيه عن عدد من الأمور والقضايا، وأعلن عن إطلاق منظمة مستقبل وطن الدولية للشباب.

وإلى نص الحوار..

معكم جون انديليند شكرا على انضمامك لنا فى لقائنا المصرى اليوم معنا محمد بدران رئيس حزب مستقبل وطن فى مصر.
شكرا على أنك معنا.

بشكرك جدا على هذا اللقاء ولو تسمحلى إنى أجاوب بالإنجليزى وبالعربى لأنى مزى مانتكلم معاك هنا فى الولايات فى المتحدة الإمريكية، فأنا أيضا بوجه خطابى لشباب حزب مستقبل وطن ومهم إنى صوتى يوصلهم دايما.

محمد بدران اسم غير معروف داخل الولايات المتحدة الأمريكية، تكلم قليلا عن تاريخم وما الذى تريد تحقيقه فى الولايات المتحدة الأمريكية؟

محمد بدران شاب، الثورة حصلت، تم إقالة كل الاتحادات الطلابية وانتخابى مرة أخرى رئيس اتحاد طلاب الكلية والجامعة عشان أكون أول رئيس اتحاد منتخب فى مصر، بعد ثورة يناير 2011، المرة الثالثة ترشحت على رئاسة اتحاد طلاب كليتى وجامعتى ضد تنظيم الإخوان المسلمين وقدرت الحمد لله أكسب فى المرحلتين وبقيت أول رئيس اتحاد فى تاريخ يكون 3 مرات متتالية تاريخية يكون موجود على رئاسة اتحاد طلاب جامعته، وترشحت بعد ذلك رئيس اتحاد طلاب الجامعات المصرية، وعندنا 3 ملايين طالب مصرى، قدرت الحمد إنى أفوز باللقب ضد الإخوان المسلمين بعد غياب أكثر من 36 سنة عن الجامعات المصرية بعد إلغائه سنة 1979.



أنا شايف إن الفضل لربنا ثم لزملائى اللى وقفوا جمبى وساعدونى عشان أحصل على كل هذه المناصب الطلابية.

هل أنت قلق على ترك حزبك ومصر الآن؟

فاهم قصدك من السؤال، لكن لايوجد أى تخوف من إنى سبت الحزب وسبت مصر وبكمل تعليمى هنا، يمكن كتير جدا مش هيقدروا يفهموا علاقة محمد بدران بقيادات وشباب حزب مستقبل وطن، هى علاقة أكبر بكتير من أنها لائحة وإجراءات نتنظيمية ومناصب جوه كيان سياسى، العلاقة بنا أيام وشهور وسنين كنا بنا حلم مشترك سهرنا أيم طويلة ونمنا فى الشوارع، قابلنا صعوبات كبيرة جدا وقدرنا فى النهاية نتغلب عليها وننجح، لذلك العلاقة بنا أشبه بعلاقة الدم.

عندما يفكر الأمريكان فى الشرق الأوسط، غالبا يفكرون فى أن الاسلام، هو التطرف والارهاب، كيف ممكن أن ترد على ذلك؟

فيه فرق كبير جدا مابين الإسلام والإرهاب، وهناك اختلاط فى أمريكا أوروبا، الإسلام ضد الإرهاب 100%، وعمره ماكان بيحرض على القتل، وعمره ماكان دين بيدعوا للدم، بالعكس، هو دين تسامح ورحمة وسلام، حتى فى تحية الإسلام، السلام عليكم ورحمة الله وبركاته، فده أكبر تدليل إن تحيتنا تنادى بالسلام مع أى حد.

لكن أن يكون صوت الإسلام الحقيقة مش واصل للدول الغربية، فدى مشكلة احنا السبب فيها وبنحاول ان احنا قدر الإمكان نساعد فى ده، وشايف إن وجودى هنا فى أمريكا، على قد ماقدر هحاول أظهر صورة الدين الذى أنتمى إليه وهو عكس مايروج عنه.



عندنا آيات قرآنية واضحة فى كتابنا المقدس، مثل "من قتل نفسا بغير نفس أو فساد فى الأرض فكأنما قتل الناس جميعا"، فالإسلام يقول أيا كان من قتلته ، مسلم، مسيحى، لادينى، كأنك قتلت كل الناس، إنك تقتل حد من غير حق، دى حاجة كبيرة جدا فى الإسلام، الإسلام بيقول: "لاإكراه فى الدين"، مفيش حاجة اسمها إنى أفرض إنك تكون مسلم، وجه مش فى الإسلام، وربنا قال: "يأ أيها الناس إنا خلقتناكم من ذكر وأنثى وجلعناكم شعوبا وقبائل لتعارفوا، إن أكرمكك عند الله اتقاكم"، ربنا هنا بيخاطب الناس كلهم وبيقول الأحسن فيكم هو اللى بيعمل خير، ولايفعل الشر، هو الأتقى، ولم يقل هو مسلم أو مسيحى أو يهودى، وقال إن الأفضل هو من يفعل الخير ولايفعل الشر، هو ده الإسلام اللى المفروض إنه يظهر، وهحاول طوال وجودى هنا أن أظهر الدين الذى تعلمته وتريبت عليه.

العديد من المراقبين يرون أن الاضطرابات السياسية فى مصر نتيجة الحكم العسكرى فيها، كيف تجيب على هذا؟

عايز أجاوب على هذا السؤال فى 3 نقاط، أولا إحنا معندناش حكم عسكرى فى مصر، ومعندناش حاجة اسمها حكم العسكر كما يقال، الجيش جزء من الشعب المصرى، والعكس، كل بيت فى مصر موجود فيه جندى خدم فى الجيش، معظم بيوت مصر فيها شهداء للقواى المسلحة، ولن نسمح لأى أحد أن يفرق بين الشعب والجيش المصرى، الجيش المصرى بالنسبالى هو شرف ودمى اللى بيدافع عندى، وعندى واجب مقدس ناحيته إننا نحترمه، من منطلق حتى دينى.



النقطة الثانية المهمة جدا، إن أنا مش عايز أتكلم عن مصر أو الأوضاع الداخلية فى مصر، وأنا برة البلد، ومش صح أن محمد بدران لو عايز يعلق على الأوضاع يكون من داخل بلده، لكن لو هو برة وبيعلق على الأوضاع فى بلده فده سلوك مش صحيح.

النقطة الثالثة، هى إن فى مصر بقى فيه سلطات منتخبة دستورية، فى 2014 كان فيه دستور، حاول تلبية مطالب الشعب المصرى، وتم انتخاب رئيس جمهورية من الشعب المصرى، والرئيس شكل الحكومة، ثم تم انتخاب برلمان يمثل الشعب المصرى، فأصبح فى مصر سلطات منتخبة بشكل ديمقراطى وهناك دستور يقدر يحكم مابين هذه السلطات، ويفصل بينهم، وهذا الشكل هو الموجود فى العالم كله، والآن بقى موجود فى مصر.

والآن سوف ننتقل إلى الانتخابات الرئاسية الأمريكية، ماهو رأيك فى الحملة الرئاسية 2016؟ وما هو رأيك فى المرشح الرئاسى الأوفر حظا دونالد ترامب؟ وطلبه بمنع المسلمين من دخول أمريكا خوفا من الأعمال الإرهابية؟

نفس المنهج اللى تكلمت بيه، مش عايز أعلق على الشأن المصرى وأنا فى الخارج، فأنا مش عايز أعلق على الشأن الأمريكى والانتخابات الرئاسية الأمريكية، لأنى ليس لى حق فى ده، لكنى ممكن أعلق على الجزء اللى تكلم عنه ترامب وقال أنه هيهاجم الإسلام وهيخرج المسلمين والعرب من أمريكا، وأنا أرى أن كل ده مجرد صناعة إعلامية، وهو غير مؤهل تماما لقيادة أمريكا، وليس لديه الإمكانيات اللى تؤهله، وكل مايقوله مجرد كلام عنصرى بيحاول يكسب به شعبية لكنه فشل فى ده، وكل الناس لاتحب دونالد ترامب.



إما إذا كنت خايف كمصرى من وجود فى البلد فى ظل وجوده فى الحكم، فنحن نلتزم فى أى مكان بالقواعد والقوانين اللى بتفرضها البلد، ومعندناش شىء ممكن يتمسك علينا.

نحن علمنا بأنك تنوى أن تجعل لحزبك الشبابى دور خارج مصر، من فضلك أخبرنا المزيد عن هذه التجربة، وما هو الدور الذى تأمل تحقيقه على المستوى الدولى؟

عايز أقول إن تجرية حزب مستقبل وطن فى مصر تستحق أنها تكون تجربة عالمية، والعالم كله يدرس إزاى مجموعة من الشباب قدروا يتجمعوا من ثقافات وطبقات مختلفة ويضعوا أمامهم هدفا محددا وثابتا وينظموا أنفسهم بشكل علمى، ويوصلوا فى أقل من سنة إلى 150 ألف شاب فى كل المحافظات، ويكون له 100 مقر، ويخوضوا الانتخابات البرلمانية بعد 8 أشهر من تأسيسهم، ويبقوا الحزب الثانى فى مصر من حيث عدد المقاعد فى البرلمان بـ53 نائبا.



هذه التجربة تستحق الفخر إننا نصدرها للعالم كله، ونكتب عليها صنع فى مصر، مصر قدرت أنها تخرج نموذج له علاقة بالبشر، ممكن ألمانيا تكون متخصصة فى السيارات، وأمريكا بالأسلحة، لكن إنك تصنع قوة بشرية هائلة تنتمى لنفس المبادئ والأهداف والتنظيم والشكل، أعتقد أننا نقدر نصدر ده للعالم كله.



وأنا أعلن دلوقتى باسمى وباسم شباب مستقبل وطن عن منظمة مستقبل وطن الدولية للشباب، منظمة عالمية تجمع شباب العالم كله عشان تقدر تفرز كوادر شبابية جديدة تقدر تتحدى أزمات العالم اللى مش عارف يحلها، تعطى أفكار مختلفة، ينفذوا هذه الأفكار، نقدر نشوف شباب فى العالم كله كترابط مؤمن بالقيم وعنده أهداف واحدة يقدروا يغيروا العالم فى أسرع وقت ممكن.

محمد .. أخبرنا أكثر عن من الذى يدعم هذه المنظمة؟

أنا عارف إن الفكرة فى بدايتها صعب جدا إنها تتصدق، بس كل حاجة بتبدأ بحلم، ومنظمة مستقبل وطن الدولية للشباب حلم بنخطط ليه وهنسعى إننا ننفذه إن شاء الله، وأنا عايز أقول إن آلاف من شباب مستقبل وطن هيكونوا داعمين لهذه الفكرة، كثير من الشخصيات اللى أمنت بفكرة الشباب أنه يستحق أن يقود وينجح هتكون أيضا داعمة لمستقبل الدولية للشباب، سواء جوه مصر أو خارج مصر.
شكرا.