سعيد طعيمة لـ "النقل النهرى": "انتم بعيد تماما عن اللعبة والعملية مش شاغلة دماغكم"

انتقد اللواء سعيد طعيمة رئيس لجنة النقل والمواصلات بالبرلمان، تصريحات محمد فاروق، مدير عام التراخيص بهيئة النقل النهرى، معلقا: "احنا نايمين على نفسنا، وأنا شايف إنكم بعيد تماما عن اللعبة، والعملية مش شاغلة دماغكم، من سنة 56 لحد دلوقتى، مفيش غير قانون واحد، وكمان معندكش فكرة عن التراخيص، دا فشل زريع، وأنا قلت للوزير إن النقل النهرى ليس له خطة".

ورد "فاروق" على "طعيمة" قائلاً: "والله شغالين يا فندم "، لكن ذلك دفع رئيس اللجنة لمزيد من الهجوم عليه، وقال: "خليك واضح، انت ليس لك امتداد خارج وسط الدلتا"، فرد عليه "فاروق": "محتاجين أماكن جديدة يا فندم"، لكن "طعيمة" تفاعل معه: "انت جاى فى ٢٠١٦ تقولى احنا عاوزين مناطق، ما تقوليش لا مناطق ولا موارد مادية جديدة فى ٢٠١٦، الحقيقة رغم الأهمية العظمى للهيئة، لكن انتوا مش عارفين تلموا نفسكم، ومفيش سيطرة على النيل، وفاشلين فى عمل التراخيص"، مطالبا بحضور وزير النقل لمناقشته فى الأمر.