كتب محمد سعودى
شدد النائب ياسر عمر، وكيل لجنة الخطة والموازنة بمجلس النواب، على ضرورة قطع منابع تمويل جماعة الإخوان المسلمين فى مصر، لمنع وقوع العمليات الإرهابية، متهما جماعة الإخوان بتورطها فى تفجيرات كمين الهرم الذى أسفر عن استشهاد 6 من رجال الشرطة.
وقال وكيل لجنة الخطة والموازنة بمجلس النواب، فى تصريحات خاصة لـ"برلمانى" :إن الإخوان مستمرون فى العمليات الإرهابية وده اللى عملوه فى الهرم.. إحنا مش بنشوف اللى بيعملوه فى سيناء .. ده أكتر من كده بكتير، مشيرا إلى أن قانون العدالة الانتقالية يعنى التصالح مع الإخوان، ولذلك يرفض إقراره، قائلا:"انتو ازاى عايزين تجبرونا نتصالح مع الارهابيين بالقانون ده.. ده قانون مثير للفتنة".
أما عن كيفية مواجهة الحركات المنبثقة عن جماعة الإخوان وتتبنى العمليات الإرهابية، أوضح النائب البرلمانى، قائلا:"الناس دول ممولين من الخارج، والحل لازم قطع منابع تمويل الإخوان عشان الأمور تهدأ، إضافة إلى استمرار الشرطة فى تشديد الاجراءات الأمنية".
وتابع :"كمان جماعة الإخوان بتستغل الفيسبوك وهو من وسائل الحرب الحديثة.. وإحنا ماشوفناش حركة حسم اللى تبنت انفجار الهرم لكنها أكيد الصفحة بتاعتهم تدار من الخارج وممولة من أجهزة استخباراتية خارجية وبتنسق معها لإجراء العمليات الإرهابية، ولذلك بعتبر الفيسبوك أداة من أدوات هدم المنطقة العربية".
