كتب تامر إسماعيل
قال المستشار مرتضى منصور، عضو مجلس النواب، إنه يرفض دعوة الرئيس عبد الفتاح السيسى للحوار مع الأولتراس، موجهًا حديثه للرئيس: "سيادة الرئيس لا حوار مع مجرمين ولا حوار مع محكمة، مينفعش نقول لمجرمين تعالوا اتطلعوا على الأحكام".
وأضاف منصور فى مداخلة هاتفية فى برنامج "حصريا مع ممتاز" مع الإعلامى ممتاز القط على قناة العاصمة: "اللى بيقود الأولتراس إخوانى يا سيادة الرئيس، والحوار اللى عايز تعمله لازم يكون مع شباب مجلس النواب أو مع المخترعين، ولاد وبنات زى الفل وعندهم أفكار جميلة".
وطالب منصور السيسى بضرورة زيارة محافظة بورسعيد قائلا: "لازم تزور بورسعيد يا ريس عشان شعبها المجروح الباسل البطل، شعب بورسعيد ليه عتاب عندك وأول زيارة لازم تكون بينهم، حضرتك قلبك طيب وحاولت لكن رد الفعل كان اشتراطات وإعادة محاكمات، وده مرفوض".
