فيديو مثير من التوك شو..عمرو الأشقر:"اللى دفع فلوس من جيبه للدعاية بيدعى عليا دلوقتى"

أكد عمرو الأشقر عضو مجلس النواب عن دائرة 15 مايو، أن تقدمه باستقالته من البرلمان، ليس الهدف منه "شو إعلامى" وأنا أول مرة أعمل مداخلة هاتفية فى تليفزيون، وطالب التنفيذيين لخلع الياقات البيضاء والنزول للشوارع.

وأضاف الأشقر، فى مداخلة هاتفية مع الكاتب الصحفى ممتاز القط ببرنامج "حصريا مع ممتاز" على قناة "العاصمة"، أن الإعلام عليه دور فهو يبحث عن الخلافات فى المجلس والائتلافات والدعم، قائلا: "كلنا بنحب البلد وكلنا مع القيادة السياسية، لكنه كل شوية بيطلع النواب اللى بيعملوا شو إعلامى عشان الائتلافات ونسبة الـ25% والـ30% والجزمة والجواسيس اللى على مصر، لا دوروا برضو كإعلام على النواب الشباب اللى بيدوارو على أهل الدواير اللى ناجحين بالناس".

وتابع حديثه قائلا:" اللى دفع فلوس من جيبه عشان يعمل ليا دعاية هو دلوقتى اللى بيدعى عليا.. الشباب اللى بيقولى نفسى اشتغل ونفسى فى شقة وكان عشمان فيا عشان محدش كان حاسس بيا، دلوقتى هما فاكرين إنى باخد ملايين والكلام اللى بيتقال فى الإعلام وتخليت عنهم، لا صعب قوى".